Ekambakbe 13:8 - Ashiri Aeuitaknup Iyohaichish Yona 1897

⁸ Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 13:8 ပူးပေါင်းရင်းမြစ်များ

Iyohaichish 69:28

Inotu oma kambi orowa no nei utara ushka, Oupeka utara tura iteki nei utara sapa nuye wa en kore.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Roukos 10:20

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Piripoi 4:3

Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Ekambakbe 12:15

Awa, shiwentep nai chiwe gusu amomka wa aisamka kuni ne, nei kinashutunguru anak ne koro paroho orowa no pet korachi wakka shinuma oshmake oashinge nisa ruwe ne.

Ekambakbe 13:12

Orowa, shinuma anak nei atpake an chikoikip koro mondum shinuma kotchake ta eiwange ruwe ne. Orowa, moshiri newa moshiri kata oshiroma utara nei a raige kuni pakno koshirikik an ushike tuk atpake an chikoikip koongamire nisa ruwe ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 21:27

orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.

Ekambakbe 3:20

opopmau keutum koro wa yaikokatpak yan. Ingarʼan, nei apa samta Ku ash kane kikkik shiri an: inan guru ne yakka Ku hawe nu wa apa maka chiki, otta Ku ahun hine shinuma tura no Ku ibe, orowa, shinuma ka en tura no ibe kusu ne.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.

Ekambakbe 5:12

poro hawe ani nei utara ene itak-hi :— Araige an Pon-hitsuji chikoikip anak ne mondum newa aeoteknup newa wayashnu-hi newa kiroro newa aainukorobe newa arakuru newa shinnunuki ambe newa koro kuni oupakbe ne ruwe ne.

Ekambakbe 5:13

Orowa, kando oshiketa an akara okaibe ne yakka, moshiri kata an akara okaibe ne yakka, moshiri choropoketa an akara okaibe ne yakka, atui kata an akara okaibe ne yakka, nei ushiketa an akara okaibe ne yakka obitta ene itak hawe ku inu nisa ruwe ne, — Amset kata rokbe orun, samata, nei Pon-hitsuji chikoikip orun ne yakka, otusashuishiri wano otusashuishiri pakno shinnunuke ambe an, aainukorobe an,

Ekambakbe 6:1

Orowa, Pon-hitsuji chikoikip anak ne nei arawan han oma shine han shirosh maka ambe ku nukara, awa, nei ita ine shiknu okaibe un shinep anak kamui-hum nepkoro an hawe ani — Ek yan — ani an itak ani itak katu ku inu nisa.