Ekambakbe 13:3 - Ashiri Aeuitaknup Iyohaichish Yona 1897

³ Orowa, shine sapaha anak ne ekot kuni pakno araige nepkorʼan, awa, araige kuni gusu an akoshirikik ushike tuk nisa: aige,

Ekambakbe 13:3 ပူးပေါင်းရင်းမြစ်များ

Roukos 2:1

Orowa no, nei toho pakihi ta anak ne ingi-moshirʼun

Yoannes 12:19

Tambe gusu, Parisee un utara anak ne utashpa ene uweitak-hi :— Echi utara nep ne yakka ki okaibe raka isambe shiri ingara yan; ingarʼan, moshirʼebitta nei osh paye nisa ruwe ne, ari itak.

Apostoro ikip oma kambi 8:13

Orowa, Simon yaikota ne yakka eishokoro: aige, baptisma akore chiki, ramma-kane Piripos tura no an; orowa, shirosh newa poro kirorope aki-hi nukara hine eoyamokte nisa ruwe ne na.

Ekambakbe 13:12

Orowa, shinuma anak nei atpake an chikoikip koro mondum shinuma kotchake ta eiwange ruwe ne. Orowa, moshiri newa moshiri kata oshiroma utara nei a raige kuni pakno koshirikik an ushike tuk atpake an chikoikip koongamire nisa ruwe ne.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 17:10

aige, arawan moshiri shikkashima guru okai; ashiknen anak ne hachiripa okere, shinen an, naa moshima an shinen anak ne naa ek isam ruwe ne; shinuma ek chiki irukai an kusu ne kunip ne ruwe ne.

Ekambakbe 17:11

Orowa, nei a an nisa, tane isam chikoikip anak ne shinuma yai beko ta ne yakka tupesambe an ap ne, aige, nei arawanbe orowa no an ap ne ruwe ne; aine, shinuma aisamka kuni ushike orun arapa ruwe ne.

Ekambakbe 17:13

Tan utara anak ne shine keutum koro, orowa, koro kiroro newa mondum nei chikoikip otta kore ruwe ne.

Ekambakbe 17:17

Inambe gusu ne yakun, Kamui irenga nei no iki kuni ne shine keutum koro hemhem ki, Kamui itak auweomare pakno koro moshiri nei chikoikip otta akore hemhem ki kuni ne Kamui anak ne nei utara koro sambe ta iki nisa ruwe ne na.

Ekambakbe 17:6

Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.