Ekambakbe 13:17 - Ashiri Aeuitaknup Iyohaichish Yona 1897

¹⁷ orowa, nei shirosh, nei chikoikip kon reihei hene kon reihei koro pishki shirosh hene koro guru moshima, inan guru ne yakka hok hemhem ki eiyok hemhem ki eaikap kuni ne kan ruwe ne.

Ekambakbe 13:17 ပူးပေါင်းရင်းမြစ်များ

Garatea 6:17

Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

Ekambakbe 13:16

Orowa, obitta no okai utara, pon guru ne yakka, poro guru ne yakka, oteknu guru ne yakka, otek-sak guru ne yakka, rengaine an mondum koro guru ne yakka, ausshiunere guru ne yakka, koro shimon tek kata hene koro keputuru kata hene shirosh aomare kuni ne shinuma iki ruwe ne;

Ekambakbe 13:18

Teda wayashnu ambe an na. Eramush guru anak ne nei chikoikip koro pishki shirosh pishki yan; nei ambe anak ne ainu koro pishki ne ruwe ne gusu ne na: aige, nei ainu koro pishki shirosh anak ne re shine wan hot newa iwanbe ikashima re hotne ne ruwe ne.

Ekambakbe 14:11

orowa, akore panakte ambe gusu an shupuya anak ne otusashuishiri pakno rikin kusu ne; aige, nei chikoikip newa koro noka newa koongami utara, kon reihei ne shirosh akore utara anak ne, nei utara anak tokap to ta ne yakka kunne to ta ne yakka shini eaikap ruwe ne.

Ekambakbe 14:9

Orowa, naa shine hauturumbe, nei re ikinne an ap anak ne, nei utara okake ek wa poro hawe ani ene itak-hi :— Inan guru ne yakka nei a chikoikip newa koro nokaha newa koongami hene ki, koro keputuru ta hene koro tekehe ta hene chikoikip koro shiroshi aomare yakun,

Ekambakbe 15:2

Orowa, abe ukopoye wa an pindoro nepkorʼan atui ku nukara; samata, nei chikoikip newa chikoikip koro nokaha newa chikoikip kon reihei pishkihi newa orowa no araki annokara iki utara nei pindoro-ush atui kata Kamui koto koro wa roshki ambe ku nukara.

Ekambakbe 17:5

mukkep, poro babironia, hoiyo ki utara newa moshiri kata an aetunne kuni ambe koro habo ne ruwe ne.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 22:4

aige, nei utara anak ne Shinuma koro nanuhu nukara kusu ne; shui, Shinuma kon reihei nei utara koro keputuru ta an kusu ne na.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 7:3

awa, shinuma poro hawe ani, otta toitoi newa atui newa wende kuni kiroro akoropare ine hauturumbe orun hawe ashte wa ene itak-hi :— Chi utara anak ne chikoro Kamui koro ausshiune utara keputuru ta shirosh omare shomoki pakno, toitoi hene, atui hene, chikuni hene iteki wende yan, ari itak.