Ekambakbe 13:16 - Ashiri Aeuitaknup Iyohaichish Yona 1897

¹⁶ Orowa, obitta no okai utara, pon guru ne yakka, poro guru ne yakka, oteknu guru ne yakka, otek-sak guru ne yakka, rengaine an mondum koro guru ne yakka, ausshiunere guru ne yakka, koro shimon tek kata hene koro keputuru kata hene shirosh aomare kuni ne shinuma iki ruwe ne;

Ekambakbe 13:16 ပူးပေါင်းရင်းမြစ်များ

Iyohaichish 115:13

Shinuma anak ne Ehoba koishitoma utara Porobe ne yakka ponbe ne yakka nunuke kusu ne.

Iyohaichish 49:2

Nupuru nishpa hene, nupan guru bene, Oteknu nishpa hene, irapokkari guru hene ne yakka ikokanu yan.

Apostoro ikip oma kambi 26:22

Tambe gusu, Kamui orowa no an kaobiuki ankushkerai tanto pakno ku an wa pon utara otta ne yakka rupne utara otta ne yakka paweteshu ku ki ruwe ne, koroka, uweingara utara newa Mose ye ek kusu ne okaibe moshima shomo ku itak ruwe ne na;

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Garatea 6:17

Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

Epesos 6:8

Utarapa otta iki korachi yaishieiwangere yan: aige, nep ne yakka pishno okai echi utara ki pirikap gusu, usshiune guru ne a yakka, rengaine an mondum koro guru ne a yakka shui nei ambe Utarapa orowa no

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

II Timoteos 3:8

Yannes newa Yambres anak ne Mose shisamchashnure korachi, tan utara ne yakka sonep shisamchashnure ruwe ne; keutum munin utara ne wa eishokor-i gusu yaikoemakbap ne ruwe ne.

Ekambakbe 11:18

Orowa, moshiri uirup irushka, aine, E iki irushka ambe hetuku an, samata, rai an utara akoipishi kuni pakihi hemhem, E koro uitek utara ne uweingara utara otta ne yakka, ashkanne utara otta ne yakka, E reihei kooripak pon guru hene poro guru hene otta pummaha koropare kuni pakihi ne yakka ek an na; orowa, moshiri koisamka utara isamka kuni pakihi ka ek an ruwe ne na, ari itak.

Ekambakbe 15:2

Orowa, abe ukopoye wa an pindoro nepkorʼan atui ku nukara; samata, nei chikoikip newa chikoikip koro nokaha newa chikoikip kon reihei pishkihi newa orowa no araki annokara iki utara nei pindoro-ush atui kata Kamui koto koro wa roshki ambe ku nukara.

Ekambakbe 19:18

poro marapto orun yaiuwekarapare yan; yakun, moshiri shikkashima utara koro kam hemhem, tumi-koro utara esapane utara koro kam hemhem kiroro-ashnu utara koro kam hemhem, umma newa umma opa utara koro kam hemhem, obitta no okai utara, rengaine an mondum koro utara ne yakka ausshiunere utara ne yakka, ponbe ne yakka porobe ne yakka koro kam echi ibe kusu ne na.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 19:5

Amen; Arrerouya. Orowa, nei amset orowa no shine hawe hetuku wa ene itak-hi :— Kamui orowa no ausshiunere obitta no okai echi utara, Shinuma kooripak echi utara, ponbe ne yakka porobe ne yakka,

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 6:15

Orowa, moshiri esapane utara hemhem, nishpane utara hemhem, tumi-koro utara esapane utara hemhem, oteknu utara hemhem, kiroroashnu utara hemhem, pishno okai ausshiunere utara newa rengaine an mondum koro utara hemhem, poru oshiketa hene nupuri un watara oshiketa hene yainuinak;

Ekambakbe 7:3

awa, shinuma poro hawe ani, otta toitoi newa atui newa wende kuni kiroro akoropare ine hauturumbe orun hawe ashte wa ene itak-hi :— Chi utara anak ne chikoro Kamui koro ausshiune utara keputuru ta shirosh omare shomoki pakno, toitoi hene, atui hene, chikuni hene iteki wende yan, ari itak.