Ekambakbe 13:10 - Ashiri Aeuitaknup Iyohaichish Yona 1897

¹⁰ Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

Ekambakbe 13:10 ပူးပေါင်းရင်းမြစ်များ

Mattaios 26:52

Orota Yesu ene itak-hi :— E koro emush shirika eushi yan: inambe gusu ne yakun, emush koro utara anak ne obitta emush tura no aisamka gusu ne.

Mattaios 7:2

Inambe gusu ne yakun, koipishi wa esanniyo nei no, echi akoipishi wa aesanniyo kusu ne: orowa, pakari wa echi kore korachi, echi gusu ne yakka apakari wa akore kusu ne.

Roukos 21:19

Echi yaishiporore wa kon ramat echi koro kusu ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Hebraios 6:12

toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 11:18

Orowa, moshiri uirup irushka, aine, E iki irushka ambe hetuku an, samata, rai an utara akoipishi kuni pakihi hemhem, E koro uitek utara ne uweingara utara otta ne yakka, ashkanne utara otta ne yakka, E reihei kooripak pon guru hene poro guru hene otta pummaha koropare kuni pakihi ne yakka ek an na; orowa, moshiri koisamka utara isamka kuni pakihi ka ek an ruwe ne na, ari itak.

Ekambakbe 14:12

Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.

Ekambakbe 16:6

inambe gusu ne yakun, nei utara anak ne ashkanne utara newa uweingara utara koro kem echikiki nisa, aige, Aokai anak ne ikire kuni gusu nei utara otta kemihi koropare nisa ruwe ne gusu ne na: nei utara nei ambe gusu oupakbe ne ruwe ne, ari itak.

Ekambakbe 17:11

Orowa, nei a an nisa, tane isam chikoikip anak ne shinuma yai beko ta ne yakka tupesambe an ap ne, aige, nei arawanbe orowa no an ap ne ruwe ne; aine, shinuma aisamka kuni ushike orun arapa ruwe ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 2:19

E iki ikip hemhem, omap ambe hemhem, eishokor-i hemhem, yaishieiwangere ambe hemhem, yaiyupupu ambe hemhem Ku eraman, orowa, iyoshi e iki ikip anak ne hoshiki no an ambe kasu no inne sekorʼambe Ku eraman.

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.