Ekambakbe 12:9 - Ashiri Aeuitaknup Iyohaichish Yona 1897

⁹ Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 12:9 ပူးပေါင်းရင်းမြစ်များ

Iyohaichish 109:6

Wen guru anak nei guru esapanere wa en kore: Orowa, shinuma shimon samata epokba guru ashte yan.

Mattaios 13:39

ambe etoita epokba gurʼanak ne nitne kamui ne ruwe ne: anange pa anak ne moshiri shiokere-i ne; otuye utara anak ne Kamui hauturʼun utara ne ruwe ne na.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Mattaios 4:1

Nei oro Yesu anak ne nitne kamui orowa no akoramnukara kuni ne Ramat ani nupuri orota atura nisa ruwe ne na.

Mattaios 4:10

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

Mattaios 4:5

Orowa no, nitne kamui anak ne Shinuma tura wa ashkanne machiya orun paye, aige, Kamui kora kenru kitaigeta ashte wa ene itak-hi :—

Mattaios 4:8

Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :—

Roukos 10:18

Orota Shinuma ene itak-hi :— Satan anak ne imeru korachi kando orowa no ran shiri Ku nukan nisa.

Roukos 13:16

Orowa, tupesan pa ikashima wan pa uturuta Satan ani atupetupe wa an Abraham matne-po ne tan Shiwentep anak ne Shini toho ta tan katchakbe gusu apita kusu ne ap shomo ne ya?

Roukos 22:3

Orowa, Satan anak ne nei tun ikashima wa niu tumugeta an Kariot kotan un guru ani aye Youdas onnaige ahun nisa ruwe ne.

Roukos 22:31

Simon, Simon, ingara, komungi mui akara korachi Satan anak ne e akore wa e mui kara kuni ne koramkon nisa ruwe ne;

Roukos 8:12

Ru parurugeta okaibe anak ne nu utara ne; orowa, nitne kamui ek wa nei utara iteki eishokoro wa kashiaobiuki kuni ne keutura orowa no itak etaye ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 14:30

Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 16:11

koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Apostoro ikip oma kambi 5:3

Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

II Korintos 11:14

Tambe anak iyokunnure kuni ambe shomo ne; inambe gusu ne yakun, Satan poka yakota Kamui koro nupeki an hauturumbe nep kuni ne yainere ruwe ne.

II Korintos 11:3

Koroka, ikineipeka nekon a ka, okokko irara wa Hefa kokandama korachi, echi koro keutum anak Kiristo epeka kuni gusu an sonep newa turu-sakbe gusu awende kuni ku ishitoma ruwe ne.

II Korintos 12:7

Orowa, nei anukarabe shiri porobe an ikkeu ne gusu-tambe gusu, iteki mashkin no a en aeyairiknare kuni ne, en shirikik gusu kam oshiketa nit ai, Satan koro auitekbe, a en kore nisa, tambe anak iteki mashkin no ku yairiknare kuni gusu an ambe ne ruwe ne.

II Korintos 2:11

inambe gusu ne yakun, chi utara anak ne shinuma oshkep gusu erampeutekbe shomo chi ne ruwe ne gusu ne na.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

II Tessaronike 2:3

an arabe ne; nep ne yakka gusu iteki inan guru ne yakka echi kokandamare yan: inambe gusu ne yakun, hoshiki no eyaikoemaka arabe an, samata, nei a chikokatpak ainu, nei a aisamka ambe poho anukara shomoki chiki,

I Timoteos 2:14

koroka, nei shiwentep akokandama wa chikokatpak ki okere ruwe ne:

II Timoteos 3:13

Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

I Petros 5:8

Yaishikkashima wa yairamatte yan; echi epokba nitnep anak ne hawe ashte shishi korachi e kuni guru hunara gusu apkash korʼan ruwe ne:

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

Youdas 1:9

Koroka, sapane uitekbe ne Mikaeru anak ne nitne kamui tura upahunara iki ita koatcha koipishi itak sange shomoki no, Utarapa e kopao kusu ne ari an itak ani ye nisa ruwe ne.

Ekambakbe 12:12

Tambe gusu, aa kando newa kando otta okai utara, nupetne yan. Moshiri newa atui newa yaisambepokash humi! Inambe gusu ne yakun, nitne kamui anak ne irukai patek okai kuni ambe eraman wa shi no irushka hine echi orota san wa an ruwe ne gusu ne na.

Ekambakbe 12:3

Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 12:7

Orowa, kando oshiketa tumi an: Mikaeru newa koro uitek utara kinashutunguru tura ukotumikoro gusu paye; awa, kinashutunguru anak ne koro uitek utara tura tumikon nisa ruwe ne;

Ekambakbe 12:8

aige, ash eaikap, samata, nei i wano kando oshiketa nei ambe okai kuni ushiketa ka isam ruwe ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 16:14

nei utara anak ne shirosh iki nitnep kon ramat ruwe ne gusu ne na; aige, nep ne yakka ki eashkai Kamui koro poro toho ta an kusu ne tumi gusu auwekarapare kuni ne, ingi-moshirʼun shikkashima utara kata paye utara ne ruwe ne.

Ekambakbe 18:2

Orowa, shinuma rui hau ani hawe ashte wa ene itak-hi :— Hokush okere, nei poro Babironia hokush wa an wa nitne kamui koro oshiroma-i ne akara, nep ichakkere ramat ne yakka, nep turu-sak wa aetunne kuni gusu an chikap ne yakka okai kuni pakashnu ushike ne akan na.

Ekambakbe 18:23

orowa, nishu humi oara e onnaigeta anu shomoki kusu ne; orosama, ratchako pekere oara e onnaigeta at shomoki kusu ne; samata, mat akore guru hawe hoku akore guru hawe oara e onnaigeta anu shomoki kusu ne na: inambe gusu ne yakun, e tura iki ihok utara anak ne moshiri esapane utara ne ruwe ne gusu ne na; awa, obitta no okai moshiri uirup anak ne e iki aesaman ambe ankushkerai akokandama ruwe ne gusu ne na.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:24

Koroka, echi utara otta, Tuateira kotan ta moshima okai utara otta, tap epakashi shomo koro obitta no okai utara, utara ene ene itak-hi korachi an Satan ooho ambe erampeutek utara otta, ene Ku ye-hi :— Nep moshima an pase ambe echi kashita shomo Ku seire kusu ne.

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.

Ekambakbe 20:8

aige, moshiri ine shikkeu ta okai uirup kokandama wa Gog newa Magog tumi-koro iki kuni ne uwekarapare kuni gusu shinuma oashin kusu ne: nei utara pishkihi anak ne a tu isam ota korachi ne ruwe ne.

Ekambakbe 3:9

Ingarʼan, Satan koro nwekari un utara, orowa, Yudea un utara shomo ne, koroka, shunge wa Yudea un utara ne kunak yaiporose utara orowa akore ash ruwe ne; ingarʼan, nei utara anak ne e chikiri kotchaketa koongami kuni ne Ku arakire kusu ne, orowa, Kuani e omap ash an ambe Kuani nei utara eramande kusu ne na.

Ekambakbe 9:1

Orowa, ashikne ikinne an hauturumbe rekte, aige, shine nochiu kando orowa no moshiri kata hachiri: awa, shinuma orun nei asama sak no an shui gusu an kangi akore nisa ruwe ne Orowa,

Ekambakbe 9:20

Orowa, tan shirikikbe gusu shomo aronnu moshima okai uirup utara anak ne koro teke ani iki ikip gusu, nitne kamui hemhem, kongani potoki-noka hemhem, shirokani potoki-noka hemhem, shiunin-kani potoki-noka hemhem, shuma potoki-noka hemhem, chikuni potoki-noka hemhem, shomo koongami kuni ne yaikokatpak shomoki nisa ruwe ne; nei okaibe anak ingara eaikap, nu eaikap,