Ekambakbe 12:3 - Ashiri Aeuitaknup Iyohaichish Yona 1897

³ Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 12:3 ပူးပေါင်းရင်းမြစ်များ

Ekambakbe 12:1

Orowa, poro shirosh kando oshiketa anukara; tokap chup ani yaitomchiure shiwentep ne, kema pokta kunne-chup an, sapa kata tu ikashima wan nochiu oma sapa-umbe an; awa, nei shiwentep shinnaikat iyeunu wa an na:

Ekambakbe 12:13

Orowa, moshiri eun aetopara wa an kunak nei kinashutunguru nukara chiki, nei ainu poho shikore shiwentep keshke nisa ruwe ne.

Ekambakbe 12:17

Orowa, kinashutunguru anak ne nei shiwentep epeka irushka, aige, Kamui ikashpaotte shikkashima wa Yesu iki paweteshu ambe koro moshima okai nei shiwentep koro san-ikiri epeka kotumikoro gusu arapa nisa ruwe ne: orowa, nei ambe atui-sam kata ash kane an na.

Ekambakbe 12:4

Orowa, shinuma koro saraha anak ne kando o nochiu re sereke nimba wa moshiri kata osurupa nisa ruwe ne; aige, nei kinashutumbe anak tane po shikore kushki shiwentep kotchaketa ash; awa, hekatu yakun koro aiai ibe wa isamka kuni gusu ne na.

Ekambakbe 12:7

Orowa, kando oshiketa tumi an: Mikaeru newa koro uitek utara kinashutunguru tura ukotumikoro gusu paye; awa, kinashutunguru anak ne koro uitek utara tura tumikon nisa ruwe ne;

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:1

Orowa, wan kirawe newa arawan sapaha koro shine chikoikip atui orowa no oashin ambe ku uukara, awa, koro kirawe kata wan inaoru okai, samata, koro sapa kata Kamui koatcha reihei oka ruwe ne.

Ekambakbe 13:2

Aine ku nukara chikoikip anak ne hyo chikoikip nepkoro ambe ne, chikiri anak chiramantep korobe ukoheraye, koro paro anak ne shishi koro paro korachi nep: orowa, nei kinashutunguru anak ne yaikota koro kiroro newa amset newa poro mondum newa shinuma otta koropare nisa ruwe ne.

Ekambakbe 13:4

moshiri uirup ebitta nei chikoikip koenushkari; orowa, utara anak ne kinashutunguru koongami, nei chikoikip orun koro mondum kore nisa ruwe ne gusu ne na; aine, utara anak ne chikoikip koongami wa ene itak-hi :— Chikoikip ukoheraye guru inan guru ne ya? Shinuma epeka kotumi-koro eashkai guru nen ne ya? ari itak.

Ekambakbe 15:1

Orowa, kando oshiketa naa shine shirosh ku nukara, porope ne, iyokunnurep ne, arawan shirikikbe koro arawan hauturumbe an, nei ambe anak okese an okaibe ne, nei okaibe gusu Kamui kinrakarape aokere ruwe ne gusu ne na.

Ekambakbe 16:13

Orowa, nei kinashutunguru koro paro orowa no hemhem, nei chikoikip koro paroho orowa no hemhem, nei shunge uweingara guru koro paroho orowa no hemhem, otereke-ibe nepkoro an ichakkere ramat reppish oaship shiriki ambe ku nukara:

Ekambakbe 17:12

Orowa, e nukara okere wan kirawe anak ne wan moshiri shikkashima utara ne, nei utara naa shomo esapane kuni moshiri uina; koroka, shine ichi ji kan pakihi uturuta nei chikoikip tura moshiri shikkashima utara korachi mondum akore na.

Ekambakbe 17:16

Orowa, e nukara wan kirawe newa nei chikoikip anak ne, tap utara anak nei hoiyo guru etunne kusu ne, aige, shinuma koisamka wa atusare kusu ne, samata, shinuma koro kam ibe, orowa, isam pakno abe ani uhuyeka kusu ne na.

Ekambakbe 17:7

Orowa, hauturumbe anak ne en orun ene itak-hi :— Hemanda gusu aokai iyokunnure ruwe he an? Nei shiwentep gusu an mukke ambe hemhem nei arawan sapaha newa wan kirawe koro shiwentep aore chikoikip gusu an mukke ambe hemhem e nure ash kusu ne.

Ekambakbe 19:12

Shinuma koro shikihi anak ne abe-nui nepkorʼambe ne, koro sapa kata inne inaoru aunu; samata, yaikota moshima nen nen ne yakka erampeutek anuye reihei kon ruwe ne.

Ekambakbe 20:2

Awa, shinuma anak ne Nitnep newa Satan ani aporose nei a kinashutunguru, nei a fushko okokko, kishima wa ashikne shine wan hotne pa uturu pakno gusu tupetupe hine nei a asam-sak-i orun eyapkire,