Ekambakbe 12:12 - Ashiri Aeuitaknup Iyohaichish Yona 1897

¹² Tambe gusu, aa kando newa kando otta okai utara, nupetne yan. Moshiri newa atui newa yaisambepokash humi! Inambe gusu ne yakun, nitne kamui anak ne irukai patek okai kuni ambe eraman wa shi no irushka hine echi orota san wa an ruwe ne gusu ne na.

Ekambakbe 12:12 ပူးပေါင်းရင်းမြစ်များ

Roukos 15:10

Tap korachi echi otta Ku ye, chikokatpak an shine guru yaikokatpak chiki Kamui uitekbe kotchaketa nupetne ambe an ruwe ne na.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Hebraios 10:37

Naa shi no irukai okaketa, Ek kuni guru, tere shomoki no, ek kusu ne,

II Petros 3:8

Koroka, aomap an utara, tan shine ambe iteki oira yan; Utarapa otta shine to anak ne ashikne shine wan hotne pa ukorachi ne, orowa, ashikne shine wan hotne pa anak shine to korachi ne ruwe ne.

Ekambakbe 10:6

kando newa kando oshiketa nep okaibe ne yakka, moshiri newa moshiri oshiketa ne yakka, atui newa atui oshiketa ne yakka kara wa otusashuishiri wano otusashuishiri pakno an Kamui epeka ye wa, tewa no poka pakihi isam kusu ne ari shiyuppa no ekambakbe iki nisa ruwe ne:

Ekambakbe 11:10

Orowa, moshiri kata oshiroma utara anak ne nei okaibe gusu nupetne wa yaikopuntek; aige, utashpa eikrap korara kusu ne; inambe gusu ne yakun, tan tu uweingarape moshiri kata oshiroma utara panakte nisa ruwe ne gusu ne na.

Ekambakbe 11:14

Tu ikinne an aeyaisambepokashbe aokere: ingarʼan, nei re ikinne an aeyaisambepokashbe tunashino ek na.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:6

Orowa, shinuma anak ne Kamui epeka hemhem, Kamui kon reihei epeka hemhem, Kamui koro kash epeka hemhem, kando oshiketa oshiroma utara epeka hemhem koatcha ambe ye gusu koro paro maka ruwe ne.

Ekambakbe 18:20

Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.

Ekambakbe 8:13

Orowa, ku nukara, awa, kando noshke hopumba shiriki an shine kapachiri poro hawe ani ene ene ye ambe ku inu :— Naa okaketa humi ashte kusu ne nei re hauturumbe koro rappa koro moshima an hawe gusu moshiri kata oshiroma utara eyaisambepokash, eyaisambepokash, eyaisambepokash humi.

Ekambakbe 9:12

Atpake an aeyaisambepokashbe aokere, ingarʼan, tap okake naa tu aeyaisambepokashbe an na.