Ekambakbe 12:11 - Ashiri Aeuitaknup Iyohaichish Yona 1897

¹¹ Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 12:11 ပူးပေါင်းရင်းမြစ်များ

Roukos 14:26

aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 21:13

Tata otta Pauros ene ese-hi :— Hemanda gusu echi chish wa ku sambe iuninkare ya? Kuani anak ne ouse atupetupe kuni patek shomo ne, koroka, Yerusarem kotan ta Utarapa ne Yesu kon reihei gusu rai kuni yak pirika ruwe ne, ari itak.

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

I Korintos 15:57

katpak koro kiroro anak tuitak ne: koroka, chikoro Utarapa ne Yesu Kiristo gusu un annokare Kamui otta koyaiiraige na.

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

I Yoannes 5:5

tambe anak chikoro eishokor-i ne ruwe ne. Yesu anak ne Kamui Poho ne sekorʼambe eishokoro guru moshima moshiri annokara guru anak nen ne ruwe he an?

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 11:7

Orowa, nei utara anak ne koro iki paweteshu ambe okere chiki, nei asam-sak ushike wano herashi ek chikoikip anak tura no tumi-koro hine annokara wa ronnu kusu ne.

Ekambakbe 12:17

Orowa, kinashutunguru anak ne nei shiwentep epeka irushka, aige, Kamui ikashpaotte shikkashima wa Yesu iki paweteshu ambe koro moshima okai nei shiwentep koro san-ikiri epeka kotumikoro gusu arapa nisa ruwe ne: orowa, nei ambe atui-sam kata ash kane an na.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.

Ekambakbe 2:26

Orowa, annokara ki wa okake an pakno Ku ikip shikkashima guru otta, shinuma otta moshiri uirup ok kashita mondum Ku kore kusu ne: aige,

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.

Ekambakbe 6:9

Orowa nei ashikne ikinne an han shirosh Shinuma maka chiki, yange set choropoketa okai Kamui itak gusu hemhem, iki paweteshu ambe gusu hemhem aronnu utara kon ramat ku nukara;