Ekambakbe 12:1 - Ashiri Aeuitaknup Iyohaichish Yona 1897

¹ Orowa, poro shirosh kando oshiketa anukara; tokap chup ani yaitomchiure shiwentep ne, kema pokta kunne-chup an, sapa kata tu ikashima wan nochiu oma sapa-umbe an; awa, nei shiwentep shinnaikat iyeunu wa an na:

Ekambakbe 12:1 ပူးပေါင်းရင်းမြစ်များ

Iyohaichish 104:2

Aokai anak ne amip nei no pekere ani yaimire; Puyara otbe korachi kando kotoro shipiraspare ruwe ne:

Iyohaichish 84:11

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Mattaios 12:38

Orowa, kambi-nuye utara tumugeta okai utara newa Parisee un utara tumugeta okai utara anak ne Shinuma orun ese wa ene itak-hi :— Epakashnu guru, chi okai utara anak ne E ki shirosh shinep anukan rusui ruwe ne, ari itak.

Mattaios 24:30

orowa, Ainu Poho koro shirosh kando otta anukara kusu ne: orowa no moshni otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek

Markos 13:25

orowa nochiu anak ne kando orowa no rapapse, samata, kando un kiroro ashuyeshuye kusu ne.

Roukos 21:11

orowa, poro shirishimoye an, usaine okai ushiketa keman newa turuse tashum an: samata, kando orowa no aeishitomap newa poro shirosh an kusu ne.

Roukos 21:25

Orowa, tokap chup otta hene, kunne chup otta hene, nochiu otta hene shiroshi okai kusu ne; riri newa atui sash humi gusu sambe-kokuruse wa moshiri kata okai uirup yairamhekonro kusu ne;

Yoannes 3:29

Tane machi ne kusu ne shiwentep koro ainu auak mat-ahupkara guru ne; koroka mat-ahupkara guru koro ikatairotke utara okai wa nei mat-ahupkara guru hawe nu gusu shi no yaikopuntek ruwe ne: tambe gusu, ku yaikopuntek ambe anak ne auweomare no an ruwe ne.

Apostoro ikip oma kambi 2:19

Orowa, rikta an kando ta aeiyokunnure ambe kene, Rata an moshiri kata hene shirosh Ku nukare kusu ne; Kem newa abe newa shupuya pa ne ruwe ne:

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 3:22

nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na;

II Korintos 11:2

Kamui san ikoitupa ambe ani echi utara gusu ku ikoitupa ruwe ne: inambe gusu ne yakun, shine hoku ne guru otta kuani echi kore okere, turu-sak-mat nei no Kiristo otta kuani echi yange ash kuni gusu ne na.

Garatea 3:27

Echi utara tumugeta Kiristo otta Baptisma akore obitta no okai utara anak ne Kiristo yaitomchiure nisa ruwe ne gusu ne na.

Garatea 4:26

Koroka, rikta an Yerusarem anak ne ausshiune ambe shomo ne, shinuma anak chikoro unu ne ruwe ne.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Epesos 5:32

Tan mukkep anak ne poro: koroka, Kiristo newa karisia epeka no ku ye na.

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 11:19

Orowa, kando oshiketa an Kamui kora kenru asarare nisa; awa, Shinuma kora kenru onnaigeta Shinuma koro aeuitaknu o shuop anukara: aine, imeru newa, hawe newa, kamui-hum newa, shine shirishimoye newa, poro kaukau newa hetuku nisa ruwe ne.

Ekambakbe 12:3

Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 15:1

Orowa, kando oshiketa naa shine shirosh ku nukara, porope ne, iyokunnurep ne, arawan shirikikbe koro arawan hauturumbe an, nei ambe anak okese an okaibe ne, nei okaibe gusu Kamui kinrakarape aokere ruwe ne gusu ne na.

Ekambakbe 21:14

Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.

Ekambakbe 21:23

Orowa, kashita tomka kuni tokap-chup hene kunne-chup hene akore rusuibe kunip isam: inambe gusu ne yakun, Kamui arakuru nei ambe pekereka nisa, aine, gusu an ratchako anak ne nei a Pon-hitsuji ne ruwe ne gusu ne na.