Ekambakbe 11:3 - Ashiri Aeuitaknup Iyohaichish Yona 1897

³ Orowa, Ku goro tu paweteshu ki utara anak ne hai ani akara amip mi wa iwan shine wan hotne to newa re hotne to uturuta uweingara kuni akore kusu ne.

Ekambakbe 11:3 ပူးပေါင်းရင်းမြစ်များ

Iyohaichish 69:11

Aeshiyuk amip ani ku yaimire ita, Aeoyaitakbe ku ne nisa ruwe ne.

Jona 3:5

Orowa no Ninebe kotan un utara Kamui eishokoro; orowa, poro guru wano pon guru pakno obitta shomo ibe gusu aipawetenge wa bai ani akara mipihi mi nisa ruwe ne.

Jona 3:8

koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro.

Mattaios 11:21

Aa Korazin kotan, aeyaisambepokashbe e ne humi! Aa Betsaida kotan aeyaisambepokashbe e ne humi! Echi oshiketa Ku ki kiroro yupu ikip anak ne Turos kotan ta hene Sidon kotan ta hene akara yak anak ne, nei utara fushkone hai ani akara amip newa uina ani yaikokatpak kusu ne.

Mattaios 18:16

Koroka, e ye itak nu shomoki yak anak ne tun hene ren hene paweteshu guru gusu obitta no okai itak asonnere kuni ne moshima shinen tun tura yan.

Roukos 10:13

Aa Korazin kotan, aeyaisambepokash humi! Aa Betsaida kotan, aeyaisambepokash humi! Inambe gusu ne yakun, echi otta Ku ki kirorope anak ne Tiros kotan newa Sidon kotan ta akara yak anak ne fushkotoi ta hai ani akara amip newa uina otta rok wa yaikokatpak kusu ne a an.

Roukos 24:48

Echi utara anak ne tap okaibe gusu an paweteshu ki utara echi ne.

Yoannes 15:27

orowa, echi utara ne yakka atpake wano En tura no okai nisa ruwe ne gusu, paweteshu echi ki kusu ne na.

Yoannes 3:27

Yoannes ese wa ene itak-hi :— Kando orowa no akore shomoki chiki, ainu nep ne yakka koro eaikap ruwe ne.

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 13:31

orowa, Gariraya orowa no Yerusarem pakno Shinuma tura no araki utara otta inne tobo uturuta anukara, tane nei utara anak ne Shinuma gusu utara otta paweteshu ki utara ne ruwe ne.

Apostoro ikip oma kambi 2:32

Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

I Korintos 12:28

Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

II Korintos 13:1

Tambe anak echi orota ku ek kuni re ikinne an ambe ne ruwe ne. Obitta no okai itak anak ne pishno tu paweteshu utara gusu hene re paweteshu utara gusu hene asonnere kusu ne.

Epesos 4:11

Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 11:2

Orowa, nei kenru soige an mimdara moshima no an wa iteki pakari yan; nei ambe anak ne moshiri uirup otta akore nisa ruwe ne gusu ne na: orowa, nei ashkanne machiya anak ne tu chup ikashima tu hotne chup uturuta aotereke kusu ne na.

Ekambakbe 11:6

Uweingara ki toho uturuta iteki apto ash kuni ne kando seshke kiroro nei utara kon ruwe ne: samata, wakka kem ne kara kuni kiroro an, rengaine kanna-kanna iki rusui nei no obitta no okai shirikikbe ani moshiri epeka kiroro kon ruwe ne.

Ekambakbe 12:6

Orowa, nei shiwentep anak ne iwan shine wan hotne to ikashima ine hotne to uturu aioreshpa kuni ne, nup oshiketa Kamui shipini okere ushike orun kokira nisa ruwe ne.

Ekambakbe 13:5

Orowa, porobe newa Kamui koatcha ambe newa ye kuni paroho shinuma otta akore; orosama, shinuma tu chup ikashima tu hotne chup uturu pakno an kuni mondum akore nisa ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.