Ekambakbe 11:18 - Ashiri Aeuitaknup Iyohaichish Yona 1897

¹⁸ Orowa, moshiri uirup irushka, aine, E iki irushka ambe hetuku an, samata, rai an utara akoipishi kuni pakihi hemhem, E koro uitek utara ne uweingara utara otta ne yakka, ashkanne utara otta ne yakka, E reihei kooripak pon guru hene poro guru hene otta pummaha koropare kuni pakihi ne yakka ek an na; orowa, moshiri koisamka utara isamka kuni pakihi ka ek an ruwe ne na, ari itak.

Ekambakbe 11:18 ပူးပေါင်းရင်းမြစ်များ

Iyohaichish 103:11

Inambe gusu ne yakun; moshiri kashita kando anak su ne ri korachi, Shinuma koishitoma utara gusu Shinuma: koro rampoken poro ruwe ne.

Iyohaichish 110:5

E shimon-tek samata an Utarapa anak ne Irushka toho ta moshiri esapane guru ekushna shirikik kusu ne.

Iyohaichish 147:11

Ehoba koishitoma Shinuma enupetne; Shinuma koro rampoken gusu chipachipa utara enupetne ruwe ne na.

Iyohaichish 2:5

Nei ita Shinuma irushka wa nei utara otta ye; Shiri irushka wa chiukopoyere kusu ne na:

Iyohaichish 85:9

Son no un Shinuma kashiobiuki-hi anak ne Shinuma ko-ishitoma utara ehange no an na; Chikoro moshiri ta nupeki oshiroma kuni gusu ne na.

Mattaios 5:12

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Roukos 1:50

Shinuma ko-ishitoma utara Ikiri ikiri otta poro rampoken an ruwe ne.

Hebraios 9:27

Orowa shui, ainu utara arashui no rai hine nei okaketa akoipishi kusu ne a ambe aesanniyo wa an korachi,

Ekambakbe 10:7

koroka, nei arawan ikinne an hauturumbe koro hawe an toho ta, shinuma rekte etokooiki an ita, koro uweingara utara ne usshiune guru orun eramande pirika shongo an korachi, Kamui koro mukkep aokere ruwe ne.

Ekambakbe 11:2

Orowa, nei kenru soige an mimdara moshima no an wa iteki pakari yan; nei ambe anak ne moshiri uirup otta akore nisa ruwe ne gusu ne na: orowa, nei ashkanne machiya anak ne tu chup ikashima tu hotne chup uturuta aotereke kusu ne na.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

Ekambakbe 13:16

Orowa, obitta no okai utara, pon guru ne yakka, poro guru ne yakka, oteknu guru ne yakka, otek-sak guru ne yakka, rengaine an mondum koro guru ne yakka, ausshiunere guru ne yakka, koro shimon tek kata hene koro keputuru kata hene shirosh aomare kuni ne shinuma iki ruwe ne;

Ekambakbe 14:10

nei guru anak chiukopoye shomoki no etoko-a-oiki wa an okere Shinuma irushka ambe oma itangi, Kamui kinrakarape oma tonoto iku ne yakka iki kusu ne; orowa, ashkanne hauturumbe shik-samata newa nei Pon-hitsuji shik-samata newa abe newa iwau ani apanakte kusu ne:

Ekambakbe 15:1

Orowa, kando oshiketa naa shine shirosh ku nukara, porope ne, iyokunnurep ne, arawan shirikikbe koro arawan hauturumbe an, nei ambe anak okese an okaibe ne, nei okaibe gusu Kamui kinrakarape aokere ruwe ne gusu ne na.

Ekambakbe 15:7

Aige, nei ine shiknu okaibe un shinep anak ne otusashuishiri wano otusashuishiri pakno ishu Kamui iki kinrakarape ani eshik wa an arawan kongani patchi nei arawan hauturumbe eun kore nisa ruwe ne.

Ekambakbe 18:6

Shinuma moshima utara epeka no iki korachi shinuma epeka ne yakka iki yan, shinuma iki ikip tup ukotamge pakno kore yan: shinuma ukopoye itange tup ne pakno ukopoye wa kore yan.

Ekambakbe 19:15

Aige, ani Shinuma anak ne moshiri uirup shirikik kuni ne Shinuma paroho wano een rangetam oashin ruwe ne: orowa, Shinuma anak yaiyan-kani kanni ani nei utara epungine kusu ne na: samata, Shinuma obitta no okai kiroro koro Kamui irushka ambe oma kinrakara tonoto nishu otereke ruwe ne.

Ekambakbe 19:18

poro marapto orun yaiuwekarapare yan; yakun, moshiri shikkashima utara koro kam hemhem, tumi-koro utara esapane utara koro kam hemhem kiroro-ashnu utara koro kam hemhem, umma newa umma opa utara koro kam hemhem, obitta no okai utara, rengaine an mondum koro utara ne yakka ausshiunere utara ne yakka, ponbe ne yakka porobe ne yakka koro kam echi ibe kusu ne na.

Ekambakbe 19:5

Amen; Arrerouya. Orowa, nei amset orowa no shine hawe hetuku wa ene itak-hi :— Kamui orowa no ausshiunere obitta no okai echi utara, Shinuma kooripak echi utara, ponbe ne yakka porobe ne yakka,

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 22:12

Ingarʼan, tunashi no Ku ek na; aige, koro iki ikip an nei no pishno an guru orun Ku koropare kuni gusu an pummaha Ku kon ruwe ne.