Ekambakbe 1:4 - Ashiri Aeuitaknup Iyohaichish Yona 1897

⁴ Yoannes anak Asia ta okai arawan karisia utara orota kambi omande na: an wa an, an nisa, orowa, ek kusu ne Kamui orowa no hemhem; shui, Shinuma koro amset kotchaketa okai arawan Ramat orowa no hemhem;

Ekambakbe 1:4 ပူးပေါင်းရင်းမြစ်များ

Iyohaichish 90:2

Nupuri ahetukure etokota, Toitoi newa moshiri newa kara etokota Shashuishiri wano shashuishiri pakno an Kamui E ne ruwe ne.

Yoannes 1:1

Atpaketa anak ne Itak an, Itak anak Kamui tura an, Itak anak ne Kamui ne ruwe ne.

Apostoro ikip oma kambi 19:10

Tambe anak ne tu pa uturuta akip ne; tambe gusu, Asia moshiri ta oshiroma utara obitta Yudea un utara hene, Herenes un utara hene, Utarapa itak nu nisa ruwe ne.

Apostoro ikip oma kambi 2:9

Partos un utara hene, Medea un utara hene, Eram un utara hene, samata, Mesopotamia, Yudea,

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

I Korintos 1:3

echi utara orun chikoro Michi ne Kamui newa Utarapa ne Yesu Kiristo orowa no irenga newa itomo an na.

II Korintos 1:2

chikoro Michi ne Kamui newa Utarapa ne Yesu Kiristo orowa no irenga newa itomo echi gusu an na.

Hebraios 13:8

Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

Yakob 1:17

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Ekambakbe 1:1

Naa iruka ne koro hetuku kusu ne, koro usshiune utara orun nukare kuni gusu, Shinuma orota Kamui koropare Yesu Kiristo koro ekambakbe: orowa, shinuma anak ne koro hauturumbe teshkara hine koro usshiune guru Yoannes eramande;

Ekambakbe 1:11

aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.

Ekambakbe 1:17

Awa, Shinuma ku nukara chiki rai guru nepkoro an no koro chikiri samta ku hachiri nisa ruwe ne. Aige, Shinuma anak ne en kashiketa koro teke ande wa ene itak-hi :— Iteki ishitoma yan; Kuani anak ne atpake an ap ne, iyoshi no an ap ne,

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 1:8

Kuani anak ne, An wa an, an nisa, ek kusu ne, nep ne yakka ki eashkai, Arupa newa Omega Ku ne ruwe ne, sekoro, Utarapa ne Kamui ye ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 16:5

Orowa, wakka koro hauturumbe ene ye hawe ku inu :— Aokai anak ne an wa an, an nisa, aine, tap korachi E esanniyo ruwe ne gusu, oupeka ambe E ne ruwe ne na:

Ekambakbe 2:12

Orowa, Pergamos kotan ta an karisia koro hauturumbe gusu ene nuye yan;

Ekambakbe 2:18

Orowa, Tuateira kotan ta an karisia koro hauturumbe gusu ene nuye yan; Abe nui nepkoro an shiki koro, aturu-sakte shiuninkani nei no an kemaha koro Kamui Poho ene itak-hi:—

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;

Ekambakbe 22:16

Yesu ne Kuani anak ne karisia utara gusu tap okaibe echi orun paweteshu iki kuni ne Ku hauturumbe Ku arapare nisa ruwe ne. Kuani anak ne Dabid koro shinrit newa santek Ku ne, nei heriat kunne-nisat-nochiu Ku ne ruwe ne.

Ekambakbe 22:8

Orowa, Yoannes ne kuani anak ne tap okaibe nu hemhem ki nukara hemhem ki guru ku ne ruwe ne. Aige, ku nu hemhem nukara hemhem ki chiki, tap okaibe en nukare hauturumbe chikiri kotchaketa koongami gusu ku yaihachire nisa ruwe ne.

Ekambakbe 3:1

Orowa, Sardeis kotan ta an karisia koro hauturumbe gusu ene nuye yan; Kamui arawan Ramat newa nei arawan nochiu newa koro gurʼanak ne ene orushpe ye-hi :— E ki ikip Ku eraman, aige, eani anak ne ishu korʼan kunak reihei e koro,

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

Ekambakbe 3:7

Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne:

Ekambakbe 4:5

Orowa, nei amset orowa no tammeru hene, hau hene, kamui-hum hene hetuku nisa ruwe ne. Orowa, amset kotchaketa arawan paraparase ratchako an, nei ambe anak ne Kamui koro arawan Ramat ne ruwe ne:

Ekambakbe 4:8

Orowa, nei ine shiknu okaibe anak ne iwan tekkup range koro, okari ne yakka onnaige ne yakka shikihi ari eshik ruwe ne: orowa, tokap-to hene kunne-to hene shini shomoki no ene hawe oka-hi :— Ashkanne, Ashkanne, Ashkanne, nep ne yakka ki eashkai Utarapa ne Kamui, Shinuma an nisa, orowa, an wa an,

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

Ekambakbe 8:2

Orosama, Kamui kotchaketa roshki nei arawan hauturumbe ku nukara; awa, nei hauturumbe otta arawan rappa akore nisa ruwe ne.