TITAS 3:5 - Rabu Athar New Testament (BSI)

⁵ keinin adik chuan kan tho jarra nimak, tak-ha Puma mi lungsiat thei jarra; keini ha vei khat a tharra nai changle ana rasuk thianga, Thavang thiang in ina man thar jarra ana san ring jui ani.

TITAS 3:5 ပူးပေါင်းရင်းမြစ်များ

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

LUK NING A JIAK CHONGSAT 1:50

“Puma jiang chitlejak a nei mirakip ko Pathian ning a san theng pet.

LUK NING A JIAK CHONGSAT 1:54

“Pathian in kan pu kan pangai jiang chong sam na alui nei ha, a nai Israelngai san ring ranga a hong jui.

LUK NING A JIAK CHONGSAT 1:72

Kan pu kan pangai jiang ka na manrit rang ke alui ripe ngaiha ama chong thiang ngaidon na ranga ani.

LUK NING A JIAK CHONGSAT 1:78

Puma Pathian in ama manrit na hi jing dai kho var anga kan chunga a na hong manvar pe jui;

ROM MINGAI JIANG PAUL NING A JIAK CHITHI 11:14

Ka tor aninko ka sap ngai, Jiwngai hi man kan ra ot a aviar hi san ring na ka man nei jot.

ROM MINGAI JIANG PAUL NING A JIAK CHITHI 11:6

Tak-ha hivahi marit na jarra aninko chuan tenna ni lai ma, animak inko manrit na ha veikhat manrit na ni lai ma.

ROM MINGAI JIANG PAUL NING A JIAK CHITHI 12:2

Hale hiva ramuol lungdo nun chan ha chan maru, tak-ha Pathian lungdo, asat a jot lungdo tung ha, nang nin nan jet na rang nan lung ha man thar innang thul khirru.

ROM MINGAI JIANG PAUL NING A JIAK CHITHI 3:20

Ajarko dan chong pek chuan nuk juia Pathian madonna tu khat om mandik noning ajarko dan chong pek jarra siatna kan hong jet.

ROM MINGAI JIANG PAUL NING A JIAK CHITHI 3:28

Ajarko dan chong pek chuan kan chel luia takngai jarra miha imandik ani tia kein in kan ngaidon.

ROM MINGAI JIANG PAUL NING A JIAK CHITHI 4:5

Tak-ha, chuan tho lui ning Pathian ha anmanrit a man dik inko ama ha takngaija an mandik.

ROM MINGAI JIANG PAUL NING A JIAK CHITHI 9:11

Naingai ha nai an hong chang mak ma, hale a satlui an tho mak ma Pathian ning a ngaidon nuk juia a kui suak, ti ko chuan na ni luia athang suak hanna ani.

ROM MINGAI JIANG PAUL NING A JIAK CHITHI 9:16

Hivahi miring lungdo le chuan na nimak, tak-ha Pathian manrit na jarra ani.

ROM MINGAI JIANG PAUL NING A JIAK CHITHI 9:30

Ha aninko keinin imo kan ti rang? A dangjatngai ning dik na ha tok lui a an hong mu, hivahi takngai jarra ani.

1 KORINTH 6:11

Hiva ngaihi nan karra aviar ko an om tak-ha hava ngaiha ko puma Jisu Khrista a thiang Thavang ning a rasuk jui.

GALATIA 2:16

Jetru chuan sat chena dan ajui mihan Pathian jiang adik tak a om tor ma u, tak-ha Khrista jiang takngai na anei mi han ani, kein nom takngai na ka nei, Khrista jiang takngai ama han Pathian jiang a thianga a om tor. Chena dan ajui han nimak, ajarko chena dan ning kan taksa ten nom man thiang tor mak.

EPHESIA 2:4

Tak-ha Pathian ning kan chunga ina lungsiat na hi a mongti om mak.

EPHESIA 4:23

Hale nan ngaidon nan lungdo ngaiha pum tharra man thar taru.

EPHESIA 5:26

Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui.

KOLOSIA 3:10

Hale ana sin pu Pathian ning ama mel pua tak a, jet chiak a ina man thar mithar ha nang nin nan ni jui.

2 TIMOTHI 1:9

Puma ning keini hi a mi khat chang ranga a na kui keini kan chuan tho jarra chang mak tak-ha ama a na lungsiat na jarra ani, ama ning Jisu Khrista jiang a rat na ha a phut na tenna alui hong tir.

TITAS 3:4

Tak-ha, keini na san ringpu Pathian lungsiat jarra mi lungsiat thei na kan hong jet,

HEBRU 10:22

Hiva jarra asat le a siat jet thei na lung adik mak le tak sa ngaihi, lung a thianga takngai le nei man rei.

HEBRU 4:16

Hiva jarra manrit na mun Pathian chung nung tak ong na tiang lungam tak le ningsat tak a che rei. Hava mun na han keini kan dei le kan ngai tui na chunga ana kan ruai pui rang manrit nale tum rang ha kan mu rang ke.

HEBRU 6:6

Hava suale anmanin an kan lum jui, ngaiha an ring sunga anmani an hong kan hei khir na rang hong tuang khir na jot lai ma; ajarko amanin Pathian nai ha mipui mai kunga jakna an pek vei khat khros chunga an khai ret jui ani.

1 PITAR 1:3

Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.

1 PITAR 2:10

Phat khat a nangni hi Pathian mi lui nima che u tak-ha, atun ko ama mi nan ni jui, hale phat khat a Pathian lungsiat na ha lui jet ma che u, tak-ha atun ko alungsiat miha nannijui.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.