TITAS 3:2 - Rabu Athar New Testament (BSI)

² Tu khat jak chunga esella an ri mak na rang, ni jai tat ha man nimak na rang, mirakip chunga lunghip lung nem achang na rang ripero.

TITAS 3:2 ပူးပေါင်းရင်းမြစ်များ

MATHIU 11:29

Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti.

TIRLON 23:5

Paul ning a hong sanga a ti, “U le naingai a mahi thiampulian ke tihi lui jet making, ajarko hingahin a kan jiak a a om, nangin nang na mingai vaihompu jiang chong satlui ri thei noniche.”

1 KORINTH 6:10

Hale a ruk pham rai siat ju rui, chong ngal ringai ning puma rengram ha mu noni u.

1 KORINTH 9:19

Keihi an na ma sua Lungdo tunga a om kaninom, mirakip suak ha kani jui, mitamngai manjot thei na ranga ani.

2 KORINTH 10:1

Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 KORINTH 12:20

Kein ka chit, ka hong karra nangni hi kei ngaidon anga lui nimak a jot hale kei om nang nin nan ngaidon anga lui nimak a jot, nan karra kansual, kanse, kan en lal, pham rai kan ri siat, kan matek asalui rakip ha lui om a jot.

GALATIA 5:22

Tak-ha Thavang Thiang ning a hong manra ha ko hi ani. Lungsiat, ningsat lungnem, khang thei, mi lungsiat, chuntho asat le takngai ha ani.

GALATIA 6:1

Ka u ka naingai, nang nin a salui a tho mi khat ha nan chur karra thavanga chuan tho nang ni ning lung nem tak a sinheiru, nangni jiang om a hong suak mak na ranga nan tak kan enru.

GALATIA 6:10

Hiva jarra keinin phathui a om rakip hin chuan sat ha mirakip jiang tho tarei, achung chuanna takngaija a om Pathian mingai jiang tho rei.

EPHESIA 4:2

Lungnem, man kan rit, man kan sin le kan ruaia, lungsiat hin khat le khat chunga kan khangtheiru.

EPHESIA 4:31

Nang ni tenna lung tel lung hang enda, en lal lung nat rakip ha mak taru.

PHILIPI 4:5

Mirakip jiang lungtai ha doru puma a rak hong rang ani!

1 THESSALONIKA 2:7

Tak-ha kein in lung nem tak a nan karra kan lui om. Nu khat ning a nai jiang a tho anga kan lui tho.

1 TIMOTHI 3:11

An mu mei ngaiha omchan sat ha ni rase u an murtam ma rase, hale chuan rakip a lung thianga ngam na a jot mi ha ni rase u.

1 TIMOTHI 3:3

Ju rui lui, kansual kanse om lui, lung nem ni jai tat lui, hale peisa dei rei lui mi ani rang asuak.

JEMS 3:17

Tak-ha chung tianga ching na ha ko, ama sat tak a thiang hale lunghip dei, sap le jar chang hi ani; asat kan rol om chil luia, lungsiat nale chuan sat tho na ara a tam tak a sip jui.

JEMS 4:11

U le naingai, nang ni an khat le an khat kan risiat tho maru. Tu a chang innom a u anai a ri siat mi ha dan chunga chong a tan ani. Nang nin dan chunga chong nan tan a chang inko nang ni dan ajui ha ni lai ma che u.

1 PITAR 2:1

Ajarko nangni a satlui rakip, ani lui ngaidon rakip, asat kan rol rakip mi ka lal hale a satlui chong jek rakip bang taru.

1 PITAR 3:10

Ajarko a ringkhuo a lungsiat hale phat hui amu jot ama ning a mur ha kan khap rase.

1 PITAR 3:8

A torna hin nangni nan renga lung khat jak changru na u na nai anga lung kan siatru, Lunghip le lungdaija om ru.

1 PITAR 4:4

Atunko Pathian jet luingai ning pum ngak an ngak jui, han mi ning an ngaidon rakip nan tho pui lui jarra nang ni lam ha non tak an na pek jui.

2 PITAR 2:10

Tak sa hui na tianga a tak a manmang a Pathian chit luingai jiang a man pong rang ani, ajarko hiva asat kan rol Ojangai ning Pathian chit luija esella an lui om.

JUD TENNA CHITHI 1:10

Anmani an jet lui i rakip chunga esella an ri anga anmanin an jet nuk juia hava ngaiha anmanin an man rang.

JUD TENNA CHITHI 1:8

Hale a kan ang rip omchan salui tho mingai ha, tak sa mang na ranga an tho Pathian ha tak tel ma u ama lianpui na ham esella an ri.