TITAS 3:1 - Rabu Athar New Testament (BSI)

¹ Na mingai ning an neipu ngaile, chongtan ranak neipungai, duk lut thei na rang chong ri jui thei na asat chuan rakip an tho torna rang man jetro.

TITAS 3:1 ပူးပေါင်းရင်းမြစ်များ

MATHIU 22:21

Anmanin ama jiang anti, “Keisar ta ke han a man anmani jiang a ti; hava jarra Keisar ta ha Keisar jiang; hale Pathian ta ha Pathian jiang peru.”

1 KORINTH 15:58

Hiva jarra ka lungsiat ka u ka naingai nang nin Pathian chuan sin na, nan chuan man kan dengru lung lut tak a adet a ngirru. Ajarko Pathian chuan nan tho rakip ha ariam ma mang noning tihi nan jet.

EPHESIA 2:10

Keini hi puman a na lui sin Jisu Khrista le kan ruaia ama achuan sat tho ranga, a rapa sot a keini ranga alui ngaidon sa ani.

PHILIPI 1:11

Jisu Khrista jarra mi dik chang thei na ara ha asip, Khrista nikhuo han a thianga Pathian lianpui na ha nan mu rang ke.

KOLOSIA 1:10

Nang nin asat chuan nan sin na rakip le, puma lungdo ha jet thei na tianga kan sonru.

1 TIMOTHI 2:2

Ajarko rengngai le a dang alian arang ngaile Pathian ning a man thiang mingai le ahip adai ringkhuo hin adik tak a om thei na ranga ani.

1 TIMOTHI 4:6

Nang in hiva chong lam hi na nai pangngai jiang na pek inko nang ni Khrista chuan tho asat mi ha na ni, ti ko nang in thavang ring na ha tak na ngai le kan ruaia na jui ani.

1 TIMOTHI 5:10

Chuansat jak alui tho numei ha ni rase, hale a naingai ha asat a alui don numei, hale a pong mingai alui san na chuan sat jak alui tho numei alui ninko ama ha mei thai karra kan chel a jot.

2 TIMOTHI 1:6

Hiva jar hin kein nang ni jiang ka na ma jet ani, Pathian ning nang ni jiang ana pek kutchoi ha manring chakru, kein nang ni chunga ranak ka na pek.

2 TIMOTHI 2:14

Nan mingai jiang hiva chong hi man jetru, Pathian jet le kan ruaia chong shakhi hin kan sual maru, hivahin asat na hong choi mak, mang na jak ha ani.

2 TIMOTHI 2:21

Tu ang khat ning a tak a man kan thiang aninko ama ha asat a nei man a jot ha ani, ajarko ama hi a puma pa ranga a kan pek jui, hale ama hi chuan sat tho ranga a kan ning jui.

TITAS 1:16

Anmanin Pathian kan jet tia an ri suak, tak-ha, an chuan tho inko ama ha jot ma u; anmani ngai hiko, matir rang suak, chong jui lui, chuan sat tianga ite nem na bui anni.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

TITAS 3:14

Hale keini mingai ning chung suak na an nei na rang tho rang suak pha han asat chuan an thoa om thei na rang anmani ning om kan chu rase u.

TITAS 3:8

Hiva chong hi takngai rang a suak, hiva chong lam rakip jarra Pathian takngai mi rakip in asat chuan ha an thoa an lung a lut na rang nang in asat ana ripe rang hi ka dei, hiva chongngai hi asat le nem na rang khat ani.

HEBRU 13:21

Lunghip lungdai Pathian chuan man tho na rang, nan dei nan ngai tui rakip ama ning na man tung pe rase, Jisu Khrista chunga a man a tai na ha tho rase, han Khrista ha a phat a phat da mahok na ha om rase, Amen.

2 PITAR 1:12

Hiva jarra kei ning phat rakip a hiva ruia ka na manjet rang ke, nang ni ning adik ha nan luia nan jet a chang nom,

JUD TENNA CHITHI 1:5

Nang ni ning chong rakip ha vei khat tak nan ngai aninom, vei khat ka na man ngaidon ret, tiko puma ning Ijip ram sunga mingai ha a san ring suale, takngai lui rakip ha ko a manmang.