TITAS 2:13 - Rabu Athar New Testament (BSI)

¹³ Hiva jarra Pathian ni khopui keini na san ringpa puma Jisu Khrista lianpui na a thianga ana man mu rang ha ravansat ha kein in kan mu jui.

TITAS 2:13 ပူးပေါင်းရင်းမြစ်များ

MATHIU 16:27

Ajarko Mi Pasalnai ha ning ama a pa mahok na han, ama thaneithiangngai le kanruoia hong nati, hava pha han mi rakip jiang an tak in an tho chuan nuk jui a tum rang ha a man pe nati,

MATHIU 25:31

Mi Pasalnai naining ama mahok nale, thaneithiang rakip le an hong pha han, ama lian ong na chunga ongrang ani.

MATHIU 26:64

Jisun ama jiang a ti, nang in na ti jui, aninom kein nang jiang kati, “Hiva suale Mi Pasalnai naining ranak nei achang tianga a hong hale vanram shumphai chunga a hong ha nang nin nan mu rang ke.”

MARK 14:62

Jisu ning a sang, “Kei ka ni, hale Miring Nai Pasal ha ranak rattak a Pathian chang tiang a onga, vanram sum phai le kan ruaia i hong nang nin nan mu rang ke,” a ti.

MARK 8:38

Tu a chang innom tunlai siat nale sat mak na miruol sunga hin keirang le ka chong rang jarra a na jakpui mi ha, Mi Pasalnai han a pa lianpui nale kan ruaia thaneithiangngai an hong pha anjak pui rang ani,” a ti.

TIRLON 24:15

Midikngai le midikluingai ning om an thi nom an ringkhir tia anmani tak in nom an jot ha kei ning Pathian tianga jet chiak kan ngaidon lungdo ka nei.

ROM MINGAI JIANG PAUL NING A JIAK CHITHI 15:13

Thavang thiang ranak han nang ni jet chichiak nan lungdo ha hong khel na ranga Pathian ning nan takngai na ha ningsat nale lunghip na rakip nangni ha na mansip rase.

ROM MINGAI JIANG PAUL NING A JIAK CHITHI 5:5

A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

ROM MINGAI JIANG PAUL NING A JIAK CHITHI 8:18

Ajarko, a tun pha hin kan pong khodeng kan thei hi keini jiang an na pek rang lianpui na hale khide rang phur hi om ma tihi kei ning ka ngaidon.

1 KORINTH 1:7

Hava jarra nang nin thavangai kutchoi Jisu Khrista tenna nan lui ngak ha nan mu pet jui.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

KOLOSIA 1:23

Vanram thuaija om phur rakip karra Paul kein nang ni jiang ka lui tho chuan rakip ha nan jet a chuan tho miha ka hong chang; chongsat ha nan jet a phut a dang takngai na khat a nan lung man che lai maru.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

KOLOSIA 1:5

A phut na han chongsat le adik chong choi manjet pha lungdo nan nei jui, hiva jarra vanram ma nan tet rang lungdo le takngai na lungsiat ha nan nei jui ani.

KOLOSIA 3:4

Nang ringkhuo adik tak ha ko Khrista ke ani, a man a hong kando pha, nang ni jom nan kando rang ke, hale ama lianpui na ha nan tum suam rang ke.

2 THESSALONIKA 2:16

A tunko puma Jisu Khrista le pa Pathian lungsiat na han amongtibui ningsat nale lungdo tung na han.

2 THESSALONIKA 2:8

Hava suale chong jui luia salui ama ha puma bai hu han athat rang ke. Puma ahong ha anmani ranga anem na om noning.

1 TIMOTHI 1:1

Jisu Khrista a nuk jui Paul tenna keini ana San ringpa Pathian ning alui ti, Khrista jak hi keini lungdo ha manchang rei tia Paul ning Timothi jiang ati ani.

2 TIMOTHI 1:2

Ka lungsiat ka nai Timothi jiang Puma Pathian le kan puma Jisu Khrista lungsiat le lungdai ha na pek rase.

2 TIMOTHI 4:1

Pathian le Jisu Khrista madonna a thi a ring ngai jiang chong jenna nei nanti, ajarko a man reng khat anga hong na ta vaihom nati.

2 TIMOTHI 4:8

Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

TITAS 1:2

A torti bui ngaidon ha ko, leisei kan chel lui, Pathian ning a tuan lai na pek kati tia chong sam na alui nei.

TITAS 1:4

Kan takngai ikan ang le kanruoia ka pasalnai Taitas jiang pa Pathian le keini ana san ringpu kan puma Jisu Khrista manrit nale lunghip na om rase.

TITAS 3:4

Tak-ha, keini na san ringpu Pathian lungsiat jarra mi lungsiat thei na kan hong jet,

HEBRU 9:28

Hava ang ha Khrista ning mitam tak siatna tenna kei sua ranga vei khat alui kan pek jui. Siatna chunga chuan tho rang chang luia ama a ngak chak a omngai ha san ring na rang veini chang na ila hong kando rang ani.

1 PITAR 1:3

Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.

1 PITAR 1:7

Hivahi nan takngai a det mo ti jet na ha ani, sana ten nom a mang thei mei an halla an en sin, hiva jarra nan takngai hi ko sana nek a aman a tam det. Hiva jarra pongna a tam tak in nang ni chunga an na en sin rang ke ani. Hava suale nang nin Pathian lianpui na ha Jisu Khrista a hong phat han nan mu rang ke.

2 PITAR 1:1

Jisu Khrista a tirlon le a suak lui chang Simon Pitar ning alui ti, kan puma Pathian jiang tenna adik lui tho ngai Jisu Khrista ning takngai na hi ana lui pek hava ha a man tam tak keini ranga ani.

2 PITAR 3:18

Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.

1 JOHON 4:14

Pathian ning a pasalnai ha ramuol san ring na rang a juang tirha Keini ning kan mu jui, hale midangngai jiang om kan ri jui.

JUD TENNA CHITHI 1:21

Hale, puma Jisu Khrista manrit na han nang ni amongtibui ring na na pek rase hale ama hong na rang nan ngak kar han, Pathian lungsiat na ha nan tak chunga man om ru.

MANJETNA 1:7

A ma hi sum phai chunga a hong hi enru, mirakip ning an la mu rang ke, ama jiang cheia an sun ha a mungai ning om an la mu rang ke, ramuol chunga a om mirakip ning ama ha chitlejak ning dong le kan ruaia an rop an la ben rang ke.