TITAS 1:10 - Rabu Athar New Testament (BSI)

¹⁰ Ajarko mi atam lam ning nun chan jet lui, chong cha jai jek le mi leisei an omngai ha, vuntanngai rupsung tenna anni.

TITAS 1:10 ပူးပေါင်းရင်းမြစ်များ

MATHIU 23:14

asat kan rol danthei oja le pharisingai, nang ni jiang pong khodengtheina ke; ajarko mei thai ngai inn nansut hale nang nin nan thongalla a sot tak lam na nan nei, hiva jarra nang nin a lian na siatna nan mu rang ke.

TIRLON 11:2

Han Pitar ning Jerusalem ma a che pha han, vuntanrupngai ning ama jiang chong kan kherna an neija,

TIRLON 15:1

Tak-ha Judiahin mi alek an honga, Mousi dan nukjuia vuntan nan tho mak inko ringnahi muno ni che u tia ulenaingai jiang anmanin an lui manchu.

TIRLON 15:24

Ajarko, kein in kan man chu a kan hong tir ni lui, keini kar tenna mi a lek in nang ni jiang an honga, chong jat jat an ri han nang ni nan lung an man kan thul jeljui ti a chong kan jet.

TIRLON 20:29

Kein ka che suale hava rupngai ha khat jak om mak lui na rang esella melangin nang ni karra ilut rang ke tihi kein ka jet.

GALATIA 2:4

Ajarko ulenai asalui aviar ning chong choi anga an hong lut a, keini hi Jisu Khrisra jiang lungdo tunga kan om jarra, anmanin keini hi an thuaija an na siak jot ani.

GALATIA 3:1

O, a pang Galatia mingai! Nan madon tak a Jisu khrista ha khros chunga an that a om ha tu ning mo nan mitngai ha a na man vet pe jui?

EPHESIA 4:14

Hale keini hi rothi phaivuo ning amun khat le amun khat a choi tor nai pangngai anga nima rei. Kan lung det a om rei mi saluingai ning ani lui lam ma man kan tuang maru.

1 TIMOTHI 1:4

nang nin mingai jiang riperu, mingai ha amongtibui mirual mirual chong ngaile ani lui chong rochi ngaiha man ri maru. Ajarko, anmani ning Pathian lungdo ha tho ma u, hale anmani ning an tho jak ha adik tia an lui ani.

1 TIMOTHI 1:6

Mi aviar ko hiva chong lam hi anmak a ani lui lam tianga chong ri ngai lam ha an lui jui.

1 TIMOTHI 1:9

Hivahi kan ngaidon rang a suak tiko dan hi misat ngai ranga an lui sin nimak, chong jui luingai mi that Pathian jet lui ranga an lui sin ani.

2 TIMOTHI 3:13

Chuan siat tho mingai ning an chuan siatna tenna phut a khel la chuan siat ha an tho de, mingai ning, midangai ha an lui huang hale an tak tak om an kan huang ani.

2 TIMOTHI 4:4

Anmani ning chong thiang ha mak nan ta rochi chong lam ha an la ngai rang ke.

TITAS 1:6

Biakrup lam kairang miha, man kan lian luia, lomnu khat jak nei pasal, hele bai nei lui, a naingai om Pathian chit a an om rang asuak.

JEMS 1:26

Tu a chang innom mi ankhat in dik na tiang lung lut mi ka ni tia a kan ngaidon an om mo? A man a lei akanchur tor mak inko, ama dik na ha a nemna bui le asa mak ha ani.

1 JOHON 2:18

Ka naingai a torna rang pha a nai jui! Khrista en dangai ha hong suak rang anni ti ha an na manjet jui han a tun Khrista enda a tam tak, a hong suak jarra a torna rang pha a nai jui.

1 JOHON 2:4

Mi ankhat in Pathian ka jet a ti tak-ha a chong pek a jui mak a chang inko, ama ha leisei ke hale adik ha ama jiang om mak.

1 JOHON 4:1

Ka sap manritngai, Thavang rakip takngai maru anmani ha Pathian tenna mo ani tihi dan en sinru ajarko, Pathian chong ri tashanthei tam tak ramuol chung rakip a adik lui tianga an hong suak a anche jui.

MANJETNA 2:14

Tak-ha nang ni chunga kein ka jot lui aviar a om, nan karra Balaam a chong jui aviar nan om Balaam ning ijamo mingai ha a ruai rang, siatna lampui han chak na nek na an nei, kut sin Pathian chubei an buk, hale taksa hui na ani lui omchan han an che.

MANJETNA 2:6

Nang in na jet Nikolaitan ning i tho ha dei ma che, na ma tir,