TIRLON 5:16 - Rabu Athar New Testament (BSI)

¹⁶ Hale Jerusalem sirra a om khua rakip mitamngain anatngai le thavang thiang lui ning a tho rakipngai ha an hong choia, an renga an lui mandam.

TIRLON 5:16 ပူးပေါင်းရင်းမြစ်များ

MATHIU 2:16

Nisua tianga arshi rabutheingain an na huang jui tihi, Herod ning a jet pha, a lung tam tak a thakjui, ama ning arshi rabutheingai tenna arshi leisuak ha a jet nuk juia Bethlehem khosung le khosir khopang a om pasalnai kum ni thuoilim that ranga chong a pek a atirjui.

MATHIU 4:24

han ama chuan sat tho na ruihi Sairia ram pumpuia a thangjui, adamtorlui natsat, ritong khodengthei, khotangriabuk in a choi, a ke a pang her khat a thi rakip a kol la an hong choi a alui mandamjui.

MATHIU 8:16

Nitak a hong ni pha han sat mak thavang in a choingai ha mitamin ama jiang an hong tuang hale a man sat mak thavangngai ha chong khat jak a a notchei a natngai ham alui mandam.

LUK NING A JIAK CHONGSAT 5:17

Nikhat Jisu ning mingai alui man chu pha han Galili, Jerusalem, Judia khopui sunga a om pharisi, thiampungai an lui om. Hava phat lai tak han Pathian rat na ranak ha Jisu chunga a om.

LUK NING A JIAK CHONGSAT 6:18

ama chong thiang ringai damthei na ranga kan en an lui hong.

LUK NING A JIAK CHONGSAT 9:11

Han mitamngain hiva chong hi an jet karra mitam ning an nuk an hong jui, Puman mirakip ha a huia a donjui, Pathian rengram ruia aripe hale anatngai ha amandampejui.

JOHON 14:12

“Kein nang ni jiang adik ki na ri ani, tu an khat ning keihi tak ana ngai miha kei ki tho rakip ha a man tho nati, hale, hiva nek alian chuan ha a man tho nati, ajarko kei kapakolla ka che.

TIRLON 4:30

Hale a nat mandam na rang le a ngak angakpa chuan hi na suak Jisu minga ranak na pero.”

TIRLON 5:15

Hiva jarra Pitar ning a hong karra ani lim ha tok na rang tia, anatngai ha lam sirra an hong choia an jalna Pher le khancham chunga an lui manjal.

TIRLON 5:17

Tak-ha thiampulian le ama le sadusingai lungdojui anmanin an enlalla an rangjui.

1 KORINTH 12:9

Mi dang khat jiang Thavang Thiang takngai na a pek adang khat lam Thavang Thiang han mi mandam na a pek.

JEMS 5:16

Hiva jarra nang ni an khat le an khat nan siatna ngaiha kan riru hale, nan dam thei na rang kan lam peru. Adikmi lam na han ranak nei tak chaun a tho.