TIRLON 5:12 - Rabu Athar New Testament (BSI)

¹² Atun tirlonngain an kut da angakpa chuan le jet na alianta tak hi mingai karra an tho va, hale Solomon atual manga anmanin an lui kan chun.

TIRLON 5:12 ပူးပေါင်းရင်းမြစ်များ

MARK 16:20

Anmani mun rakip a ansemma, Puma ning a san na, manjetna han anchongriha a mandetjui. Amen.

JOHON 10:23

Jisun Solomon biakinn tualla aluilon.

JOHON 4:48

Jisun ama jiang a luiti, “Chuanlian an khat om angakpa chuan ngai nan mu mak aninko tukhat innom takngai na neino niche u.”

TIRLON 1:14

Anmani lim le numei le Jisu a nu Meri le a nai pangngai le lung khat jak changa ani tin lamna ranga an kanchun chak.

TIRLON 14:3

Ajarko anmanin Puma jarra a pha sot tak chong an ri a, anmanin kut chung tenna angakpa chuan ha aman tho va, Puman imanritna chong han shakhi a pek jui.

TIRLON 16:18

Hingahin a man nikhuo sot tak alui tho, han Paul in a lung huimak a hong kanheia a thavang satlui jiang a hong ti; “Numeinu tenna suak na rang kei ning Jisu Khrista minga chong ka na pek,” hava phalaitak thavang ha a suak jui.

TIRLON 19:11

Han Pathian nin khel la tho torna Paul kut chunga aluimantho.

TIRLON 2:46

Anmanin biakinn na anitin lung khat tak khat an changa an kan chun chak, hale an inn an inn na lungtai hiaija le ningsat a tal an lui chak suom.

TIRLON 28:9

Hiva chuan suak hi ang jet pha hava tuipanga a om mingain anatngai ha an hong tuanga Paul ning alui mandam.

TIRLON 3:11

A man Pitar le Johon ha a o va a om lai han, mitammin an ngak Solomon atual anti han anmanin an hong tan jui.

TIRLON 4:30

Hale a nat mandam na rang le a ngak angakpa chuan hi na suak Jisu minga ranak na pero.”

TIRLON 9:33

Hava mun han Ainis anti kumkariat jamun chunga a jal a pang her khat thipa a nat mi ankhat a man a mu jui.

TIRLON 9:40

Tak-ha Pitar ning anmani ha a man suak verra a khup a bilinga lamna a nei jui, hale Pitar in a thisa takruang tiang a hong kanheija a ti, Tabitha thuiro, han a man a mit a hong menga Pitar ha a hong mu pha athuija a ong jui.

ROM MINGAI JIANG PAUL NING A JIAK CHITHI 15:19

Hingahin Jerusalem tenna ka honga Ilurikam kahongsuak thenga kei ning Khrista chongsat ha a kip dirra ka hong ri jui.

2 KORINTH 12:12

athianga tirlon khat ka ni ti jetna nan karra ka om lai khang thei le kan ruaia, angakpa chuan mi ning an torlui rang chuan atam tak ka lui tho.

HEBRU 2:4

Hava lai han Pathian in tho torna at om tak le a dang dang manjetna ngai ranak rat na han anmani chunga a tho de ani, hale a man a lungdo nuk juia Thavang Thiang kutchoi ha an chunga a sem de jui.