TIRLON 4:32 - Rabu Athar New Testament (BSI)

³² Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man.

TIRLON 4:32 ပူးပေါင်းရင်းမြစ်များ

JOHON 17:11

Kei a tun na kol la hong rang ka ni; hiva ramuol hin a sot om lai noning, tak-ha anmani ko ramuol hin an la om rang ke, a thiang Pathian na ranak rat na han an manihi na san pekro, nang le kei khat jak kan ni ang hin, anmanijom an ni thei na rang, anmani ha nasel narungpero.

TIRLON 1:14

Anmani lim le numei le Jisu a nu Meri le a nai pangngai le lung khat jak changa ani tin lamna ranga an kanchun chak.

TIRLON 2:1

Pentikos nikhuo a hong tung pha han anmanin mun khat hin an renga an kanchun laitak,

TIRLON 5:12

Atun tirlonngain an kut da angakpa chuan le jet na alianta tak hi mingai karra an tho va, hale Solomon atual manga anmanin an lui kan chun.

ROM MINGAI JIANG PAUL NING A JIAK CHITHI 12:5

Keini Khrista jiang taksa khat jak kan ni, hale keini kan renga khat le khat kan san tor kan ni.

1 KORINTH 1:10

U le naingai kein Jisu Khrista minga ka na mathem hi nan renga na jot peru, nan karra kan senna a bing a binga om maru, tak-ha nangni lung khat changa ngaidon khat jak hin om ru.

2 KORINTH 13:11

Atunko ka u ka naingai ravansat hong changru; ka na mathem ngaihi jotru; khat le khat kan jotru; a hip a daija omru. Hale lungsiat le lunghip pathian ning na om pui rase.

PHILIPI 1:27

Atun nang ni nan ringkhuo pal ha Khrista chongsat jarra asat a palru, kein ka honga nang ni le kan kan mu nom, kan kan mu mak in nom, nang ni lung khat jak nan chang a chongsat chunga takngai nan nei ha kan siam in lang, thavang khat jak nan ngir tihi kein ka jet thei na ranga om ru.

1 PITAR 3:8

A torna hin nangni nan renga lung khat jak changru na u na nai anga lung kan siatru, Lunghip le lungdaija om ru.

1 PITAR 4:11

Tu ang khat ning chong thiang a ri jot inko Pathian chong thiang ha ri rase. Tu ang khat ning Pathian chuan a tho inko Pathian ning a pek a rat na rakip han chuan tho rase.