TIRLON 28:20 - Rabu Athar New Testament (BSI)

²⁰ Hiva jarra kein nang ni ha kan mu na rang le kan biak na ranga kinakui ani, ajarko Israelngai ning lungdo an neija an ngak hava rui jarra keihi thir ruija an nakhit ani.”

TIRLON 28:20 ပူးပေါင်းရင်းမြစ်များ

TIRLON 10:29

Hiva jarra kein ite khat dachilluija ka hong jui, hanna nang nin kei nan na kui hi iruija mo ani tihi kein ka na dingkel.

TIRLON 10:33

Hiva jarra kein anmani ha nang jiang ki lui hong tir ani, nang in nom na na hong pe va a tam a satjui, a tunko Puma ning nang jiang chong pek na ina nei rakipngai ha, ngainaranga keini kan renga a tun Pathian madonna kan om.”

TIRLON 21:33

Han ralmi ulian ha ning a hong lut a maha thir ruija khit na ranga chong a pek jui. Hava suale a maha tumo ini hale imo a tho jui tia alui dingkel.

TIRLON 23:6

Paul ning hingan a hong en na aviarin Sadusi, a lek in Pharisi an lui ni tihi a jet ulianrupngai jiang a hong khek a ti, “U le naingai kei ko Pharisi ke Pharisingai an pasalnai ka ni, a thi ngai ning an ringkhir, hava ha ka ngak chak ka om jarra kei hi chongtan na an na nei ke.”

TIRLON 24:15

Midikngai le midikluingai ning om an thi nom an ringkhir tia anmani tak in nom an jot ha kei ning Pathian tianga jet chiak kan ngaidon lungdo ka nei.

TIRLON 26:29

Paul ning a hong sanga a ti, “A pha bongkhat jak anin nom hale a pha sot tak anin nom nangjak ni luia ve enni nikhuo hin kei ka chong angai rakip kein kani ang hin nina ranga kein Pathian jiang lam hi ka dei; han an na khit na rui hi ko kan chel luia!”

TIRLON 28:17

Nithum suale Paul ning Jiwngai lam kai ulianngai ha akuija kan chun na alui man nei, hava kan chun na pha han a man an ma ni jiang a hong ti; “Ulenaingai, kei ning kan mingai le kan pa kan pungai lui che na kan nun ha ite khat ki jot mak na om luia, Jerusalem tenna kei ha ren annatuk a Rom mingai kut chunga an na pek.

EPHESIA 3:1

Paul kei ning Jisu Khrista chongsat ruia jatdangai rahut a ren inn na ka om.

EPHESIA 4:1

Puma ama ruia ren inna ka om hi ka na manjet ani nangni hi ama han ana kui karra asat ringkhuo han lui om ru.

EPHESIA 6:20

Kei Pathian chong ri ranga ama rahut a natir ani, hiva jarra kein ren inn na thir rui le ka om. Lam na na nei peru kein Pathian chong ha ranak neia la ri tor kati.

PHILIPI 1:13

Kein Khrista jarra ren inn na ka om hi, reng chang kual; a ngak rakip le adang mirakip in an hong risuak jui ani.

KOLOSIA 4:18

Paul ka kut tak in ka hong jiak chithi chubei ke ani, an na khit na hi na thei ni pe maru, Pathian manrit han na ruoi rase.

2 TIMOTHI 1:10

Atunko Jisu Khrista ning keini sanring ranga a hong hin a kan dang jui hale ama athija a thui khir han Pathian chong thiang ha amongtibui ringkhuo ha ani jui.

2 TIMOTHI 2:9

Ajarko kein chongsat ha kari, kei hi mi that khat anga an na lui khit, an na lui man pong tak-ha Pathian chong hi ko khit na jot mak.

PHILEMON 1:10

Kei ning ren inn sunga ki nei ka nai Onesimas ruia nang jiang ri na ka na nei.

PHILEMON 1:13

A ma hi nang na rahut chongsat ruia, kei jiang chuan sin suam na rang ka lui siak jot.