TIRLON 26:18 - Rabu Athar New Testament (BSI)

¹⁸ Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

TIRLON 26:18 ပူးပေါင်းရင်းမြစ်များ

MATHIU 4:10

Han Jisun ama jiang a ti, “Chetaro seitan, ajarko, hingahin a kan jiak sake, nang in na Puma na Pathian jak ha chubei na buk rang a suak.”

MATHIU 4:16

Ajing mun na a om mingai ning var a lian khat an mu jui. Hale thina ram sung le thina nilim thuoia omngai chunga a hong varjui.”

LUK NING A JIAK CHONGSAT 1:77

Mirakip jiang tiperu Puma ko San ringpa ani, hale an siatna rakip ham a ngaidam pe jui.

LUK NING A JIAK CHONGSAT 1:79

avarhi ajinga alui omngai ranga ani, lunghip ning kei hi a na manruai chak jui.”

LUK NING A JIAK CHONGSAT 2:32

pumako jatdangngai jarra varha ani, a mi Israelngai ranga lianpui nale mahok na ham ani.”

LUK NING A JIAK CHONGSAT 24:45

Jisu ning anmani ha Pathian chong an jet thei na rang an lung kot a long pe jui.

LUK NING A JIAK CHONGSAT 24:47

A ma minga lung thulna chong le ngaidam na chong ha Jerusalem ma anphut jat rakip jiang anlaripe rang ani.

LUK NING A JIAK CHONGSAT 4:18

“Puma Thavang ka chunga a om, ajarko a riang khodengtheingai jiang chongrina ranga, Kei hi a na thang jui, anluichur ngaiha ma sua na rang, a mit luidel ngaiha mu khir na ranga, a pong khodengthei ngai ma sua na rang ani.

JOHON 17:17

Anmani ha adik na tianga na man thiangpero, nachongko adik ke ani.

JOHON 3:19

Chongtan chuan ha ani; tiko var ha ramuol a hong tung, tak-ha mingain adik lui chuan an tho jarra, a var ha nek om a jing ha andeijui.

JOHON 4:10

Han Jisun aluisang, “Nang in Pathian kutchoi pek ha na jet, hale tui in ranga ana lui lam a maha na lui jet aninko, nang in ama jiang ni lui lamrang ani. Hale a man ringnatui inalui pek rang ani.”

JOHON 4:14

tak-ha tu a chang innom kei jiang an phut kipekrang tui a in miha a tui veikhat antui ralret lai noning; kei ki na pek rang tuihako, ki pek mi a tak chunga a torti buia i hong suak tuiril put anga hong chang nati.

JOHON 8:12

Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.”

JOHON 9:39

Jisun a ti, “Ramuol la kihonghi chong tanranga ani,” a mit delngain an mu rang a mu ngain an mit idel rang,

JOHON 9:5

Kei ramuol la Ka om lai, ramuol la var ha kani.”

TIRLON 10:43

A ma arui ajarra Pathian tashanthei rakip ning shakhi an pek, tiko ama a minga takngai mirakip in siat ngaidam na mu nanti u.”

TIRLON 13:47

Ajarko Puma ning keini jiang a ti, kei ning nang ha a dangjatngai ranga var chang ranga le ramuol a torna khan na tanringna mu na ranga ka na siakjui ke.

TIRLON 15:9

Takngai na an nei jarra ansiatna ha ngaidam na a nei, a man keini le anmani ha i om na man kan khel mak.

TIRLON 2:38

Pitar ning anmani jiang a ti, nan siatna thiang na ranga, nan lim man kan sirru, hale Jisu Khrista minga nang ni rakip ning baptais thoru, han nang nin a thiang Thavang kutchoi nan mu rang ke.

TIRLON 20:21

Jiwngai le Grikngai jiang an siatna tenna Pathian tiang an hong kan hei na ranga le kan Puma Jisu an takngai na rang a kan ang rip shakhi ki pek ani.

TIRLON 20:32

Hale atun kein nang ni ha Pathian tiang le ama manrit na chong ha kana pek ani, hiva chong hi ning nang niha ina sinhei an khat om aman thiang sa anmani rakip karra tum rang suak ha nang ni jiang a na pek tor.

TIRLON 26:19

Hiva jarra o, reng Agrippa, vanram tenna phut mu na ankhat ki nei ha a jui lui keini making.

TIRLON 26:23

Khrista ning pong khodengthei na munata, hale athi ngai karra a phutna tak ringkhir ha ama inirangke, han sanring na var ha Jiwngai le jatdang mingai jiang ri manthang nanti.

TIRLON 3:19

Hiva jarra nang nin nan siatna ngaiha abuiphir na rang kansir unnang Puma jiang hong kan heiru.

TIRLON 5:31

Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.

ROM MINGAI JIANG PAUL NING A JIAK CHITHI 8:17

Hale a naingai kan ninko nai charapa kan ni, ama le kan ruaia kein in lianpui na musuam ranga hale ama pong khodengthei ha kan duisuam aninko Pathian le Khrista nai ha kan ni jui.

1 KORINTH 1:2

Korinth na a om Pathian biakrup mithiangai Jisu Khrista jianga a om chak amun rakip a ama le a kan ruai mi, kan puma anmani puma an man chang Jisu Khrista chubei abukngai,

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

2 KORINTH 6:14

Nang nin Pathian jet lui mingai le chuan tho chun maru ijamo adik le adik lui ha an om chun rang? Ija mo avar le a jhing ha an om chun rang?

GALATIA 2:20

Keihi Khrista le khros chunga ka luithi jui, hale keihi a ringa a om ni lai making, tak-ha Khrista ning ka sunga a ring jui, hale a tunna ka ring taksa ringkho hi Khrista jiang takngai ja a om ringkho ha ani, aman lungsiat tak a aringkhuo hi kei ranga ana pek jui.

GALATIA 3:14

Abraham jiang a om phual ha Jisu Khrista jarra jatdangai chunga hale keini takngai na jarra Pathian thavanga ring na mu rang kan ni.

GALATIA 3:2

Kein nang ni jiang ka jet jot, nang nin chena dan nan jui han mo thavang thiang nan mu? animakle Pathian chongsat ha manjet da tak na ngai han mo nan mu?

EPHESIA 1:11

A ma lungdo ngaidon nuk juia irakip alui tho, hale a renga ama chong pek nuk juia alui om.

EPHESIA 1:14

Thavang Thiang ranak han pathian in keini ranga ana siak pe kan loman kan tum kan mu mak kar je ama lurna le alian na ha manpak rei.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 1:7

Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

EPHESIA 2:8

Ajarko puma lungsiat na hin nang ni ana san ring jui, nan takngai na jarra ani, nan chuan tho jarra chang mak, hivahi Pathian kutchoi ani.

EPHESIA 4:18

hava vakhal han Pathian na manjet noning, a jing na lam ma Pathian jet luija mi pang ringkho hin an om.

EPHESIA 5:11

A man buia ajing chuan ngaiha tho maru, hava ngaiha ko ajinga a om miranga ani; hiva rahut a salui ama ha kando rase.

EPHESIA 5:14

Hingahin chong thianga alui om, ajalla a omngai thuitaru, thina tenna thuitaru hale Khrista ama ning avar ha na pek nati.

EPHESIA 5:8

Ajarko phat khat a nangni a jing na inna nan lui om tak-ha a tun ko Pathian a varna hin nan om jui.

EPHESIA 6:12

Keini ning kan tho ral hi thisen le taksa ral chang mak, Seitan ning ramuol la alian a rangai jiang ani lui chuan lam aman tho, hiva Thavang salui ning ramuol aman jing ngai chunga ral kan tho ani.

2 TIMOTHI 2:26

Hale anmani ning jet na an neija siatna chang kol tenna a tan na hale siatna a chul ama ha ko siatna lungdo jak ha a tho ani.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:14

Hiva jarra vei khat kan bol na han siatna a na man thiang mingai ranga kum sot lungdo tung na a sin jui.

HEBRU 11:6

Takngai na om lui a tu ten Pathian lung man tai na om mak. Ajarko Pathian jianga a hong mi han a ring chak a om, hale ama a tok mingai ha a man ponglo i pek rang ke tihi tak angai chiak rang ani.

HEBRU 9:15

Hiva jarra Pathian in a kui mingai han kum sot ravansat na Pathian chong shan an mu rang ani, chong shakhi thar chuan var ha Khrista a chang jui; ajarko chong shakhi ama sat thuaia mingai an om lai han a sa mak chuan an tho na an phut ma sua an chang na rang thina rang an khat alui om jarra hivahi an tho thei ani.

JEMS 2:5

Ka lungsiat ulenaingai, hiva ramuol chunga ariangke tia nan ngaidon mingai ha Pathian in Thavang Thiang takngai ranga athang suak ani, hale ama rengram ha man tum na ranga a thang suok jui.

1 PITAR 1:4

Han keini ning a mong torlui Pathian phual ha kan en chak a Pathian ning a mingai ha a siak rang ani, nang ni ranga Pathian ning Vanram ma ana siak pe ha, leisa ning om a manmang torlui, a chuai torlui ha ani.

1 PITAR 2:25

Nangni hi belramngai ning lam jet luia an chei anga nan lui ni, tak-ha a tun nan belramsel a nuk jui ranga ana hong kui khir jui, hale nan Thavang ana sel pe pa ha ani.

1 PITAR 2:9

Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.

1 JOHON 1:9

Tak-ha, keini kan siatna ha Pathian jiang kan ri inko ama chongsan adik ha tho nati, hale kan siat nale kan ma sial na ngaihi na man thiang na ta na ngaidam nati.

1 JOHON 2:12

Khrista jarra nan siatna hi a na ngaidam jui hava jarra kein nang ni jiang ka na manjet ani.

1 JOHON 3:8

Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

1 JOHON 5:19

keini ko Pathian ta kan ni; han ramuol pumpui hin a satmak an khat ning vai ahom nuai a kan om ani tihi keini ning kan jet.

JUD TENNA CHITHI 1:1

Jisu Khrista a suak le Jems a u anai chang pui Jud Kei ning Ka pa Pathian ning lungsiat tak a a kui mingai hale puma jiang a omngai, halle Jisu Khrista ning a san ngai jiang;

MANJETNA 21:27

Tak-ha a thiang lui mi, ani lui chuan tho, mi salui ngaiha ko, khopui hin lut jot mak, tak-ha, belram ama ring na rabu sunga a ming a omngai rakip ko khopui han an lut rang ani.