TIRLON 20:7 - Rabu Athar New Testament (BSI)

⁷ Chei u al khat sunga a rapatak nikhuo han kein in Bulom chak na ranga kan kan chun lai han Paul in jinga ache rang ani jarra anmani ha amanchua, a man a ri chong ha janchim dairiai khan pha alei lui.

TIRLON 20:7 ပူးပေါင်းရင်းမြစ်များ

MARK 16:9

Jisu thina an phut a thui khirpha, hapta nikhuo amasatak jingtiang manhan khonam sari ning a choi a iluinot chaipenu, Magdalen le Meri jiang aluikando ani.

LUK NING A JIAK CHONGSAT 22:19

Hale Jisun tal ha alui a Pathian ha amanpak, aher aher a ekkhui a anmani jiang a pek a ati, “Hivahi nang ni ranga ana pek ka taksa ani, nang nin kei nan na ngaidon na ranga chakru.”

LUK NING A JIAK CHONGSAT 24:35

Hale lampuia ija mo alui suak, Jisu ning tal ha a eksenna, ija mo anmanin Jisu a mel an hong jet tiha anmanin an ri manthangjui.

JOHON 20:1

Sernikhuo jintiang a jing phat han, Meri Magdalen ning than ha lung an kei sua arongha a mu jui.

JOHON 20:19

Sernikhuo nitak anipha, thimruoingain an renga an kanchun na an lui om han in khar om an lui kalrep ajarko, anmanin Jiwngai an lui chit han Jisun a hong ngirra a ti. “Lunghip lungdai ha nan chunga om rase.”

JOHON 20:26

Hapta khat suale thiamruoingain in sunga an kan chun na han Thoma om hana alui kan chel in khar kot ankhar verhan Jisun anmani jiang alai tak a ngirra a ti, “Nan chunga lunghip lungdai na om rase.”

TIRLON 16:10

Hiva munna hi ka mu suale kein in Mekidonia va chena ranga kan kan ning jui, ajarko Pathian ning keini hi anmani jiang asat chong ri na rang ana kui jui.

TIRLON 2:42

Han anmanin thiamnaingain an man chu ha an kan chun na, tal chak suamna le lam na pha rakip an lung alui lut.

TIRLON 2:46

Anmanin biakinn na anitin lung khat tak khat an changa an kan chun chak, hale an inn an inn na lungtai hiaija le ningsat a tal an lui chak suom.

TIRLON 20:11

Hale a man chung tiang akalla tal ha a ek khuia, anmani le an chak khuo varkhanna an om ma hale an che jui.

TIRLON 20:31

Hiva jarra kein kumthum khan na jan le, sun le mittui charra mirakip ki man chu ki ripe ha bang making tihi na ngaidon pe unlang nang ni om a dui na ratperu.

TIRLON 20:5

Anmanin an lui chea Tros va keini an na lui ngak.

TIRLON 20:9

Hava kanchun na munhan Eutika anti pasal an khat mihut thonga alui onga a tam tak a i alui mu, han Paul in a manchu ha asotraia ama alui jala thak thum chunga ava chulla athi jui.

TIRLON 28:23

Anmanin nikhuo dang khat Paul le an renga kanchun thei na rang nikhuo an ngirjui, hava nikhuo han mitam tak an hong kan chun na; Paul ning a hong ti, “Pathian rengram ruile, Jisu Khrista ruia chongsina alui nei han a man Mousi dan chong pek le tashantheingai an lui chong ngaiha a nei man na anmani ha manjetna rang jin tiang tenna nitak khan chong alui ri.”

1 KORINTH 10:16

keini ning phual kan pek kheng kam han Jisu Khrista a thi sen ha a kan chel lui mo? keinin phual kenpek tal han Jisu Khrista a tak sa a kanchel lui mo?

1 KORINTH 15:10

Tak-ha kein hingahin ka om hi Pathian a mi lungsiat thei jarra ani. Kei chunga a na lungsiat na rakip hi a man bui ko nimak, hiva rahut a a dang tirlonngai nek a kein a khel la chuan ka tho. Kei ka tho chang mak, puma a mi lungsiat ha kei jianga a om jarra ani.

1 KORINTH 16:2

Sernikhuo racham an tak an tak ning an lui siak nuk juia aviar aviar an pek aninko, kein kan hong karra peisa chom ha om noning.

2 TIMOTHI 4:2

Nang in chong thiang ha riru, a phat aninom animak nom, hale khang thei le kan ruaia an lung sunga thanuam na ha pekru.

MANJETNA 1:10

A torna Pathian nikhuo hin thavang ning kei hi a na ruaia rasa khat ka lui jet, hava rasa ha ko, Pengkul rasa anga ka nuk tiang hin chong alui hong ri.