TIRLON 20:28 - Rabu Athar New Testament (BSI)

²⁸ Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

TIRLON 20:28 ပူးပေါင်းရင်းမြစ်များ

MATHIU 16:18

Hale kein nom nang jiang kati, nang ko Pitar ke nani, hale hiva lung chunga kein ka biakrup ka sin rang ke, hale simlei tharsari kot innom hava ha tor noning.

MARK 13:9

“Nang ni nantak nanthei jak kan ning theiru; ajarko anmanin ulianrupngai jiang napeklut rang anni, hale Sainagokhin naverang anni, kei jarra nang ni ramvaihomngai le rengngai mai kung a shakhi ngirang nan ni.

LUK NING A JIAK CHONGSAT 12:32

Chitmaru rup asintengai, ajarko nan pa ning nang ni jiang rengram inapekhi ama lungdo ani.

LUK NING A JIAK CHONGSAT 21:34

Nang ni kan ning theiru; nantak ha chak le nek, ju ruia, ija mo kan om rang tia nan lung man kan nok maru, hiva nikhuo hi jet lui thai lui a chang a man kan khit mak na ranga kan ningru.

TIRLON 13:2

Anmanin Pathian chuan an tho va bu han ngeipha Thavang Thiang in anmani jiang a ti, “Barnabas le Saul hi chuan tho ranga kein ka kui jui hiva jarra anmani hi kei ranga na khuisen peru.”

TIRLON 14:23

Anmanin biakrup chuan putranga ulian an thangpe han nom, bungei le kan ruaia lamna an neija a takngai miha Puma chuan sin ranga apejui.

TIRLON 20:17

Han Melita tenna Ephesia a tirra biakinn ulianngai ha ama jiang a hong mankui,

TIRLON 20:29

Kein ka che suale hava rupngai ha khat jak om mak lui na rang esella melangin nang ni karra ilut rang ke tihi kein ka jet.

ROM MINGAI JIANG PAUL NING A JIAK CHITHI 16:16

A thianga biang kan tum le kan ruaia an khat le an khat chubei kan pekru, Khrista biakinn rakip innom nangni ha chubei an na pek.

1 KORINTH 1:2

Korinth na a om Pathian biakrup mithiangai Jisu Khrista jianga a om chak amun rakip a ama le a kan ruai mi, kan puma anmani puma an man chang Jisu Khrista chubei abukngai,

1 KORINTH 10:32

Jiwngai jiang aninom, Jatdangai ngai jiang aninom, Pathian biakrup hin aninom, pong na ko pek maru.

1 KORINTH 11:22

Hi imo ani? Nang nin chak nek na ranga in neima che u mo? Animakle Pathian in thiang ha nan e sel mo? Animakle chak rang aneiluingai nan manjak mo? Kein nang ni jiang imo ka ri rang? Kein nang ni ha ka na manpak rang mo? Kein na lui manpak making.

1 KORINTH 15:9

Hiva jarra kei ko tirlon karra a sin tak ha ka ni. Tirlon ti a an na kuirang hi om ka rahui chang mak, ajarko kein Pathian biakrupngai ha ka lui manmang.

1 KORINTH 6:20

Puma ning nang ni ha a man na ana lui chok jui. Hiva jarra nan taksa han Pathian lurna lian na ha thoru.

GALATIA 1:13

Ajarko nang nin nan jet, keihi a tuan lai judaism ma ka lui om lai han iduk mo puma biakrup chunga khodengthei na ka lui pek, hale manmang na rang ka lui tho ani.

EPHESIA 1:14

Thavang Thiang ranak han pathian in keini ranga ana siak pe kan loman kan tum kan mu mak kar je ama lurna le alian na ha manpak rei.

EPHESIA 1:7

Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

EPHESIA 4:11

A ma kutchoi ngaiha ko, mi aviar ning Pathian tirlon, aviar ning tashanthei, Pathian chong ri, aviar ning belramsel, hale aviar ning oja, chingna manchu ninanti.

PHILIPI 1:1

Jisu Khrista Suak Paul le Timothi Philipi biakrup hin a om lamkei Ulianngai, Jisu Khrista mi thiang rakip jiang,

KOLOSIA 1:14

Keini na san ringpa Ka siatna ngaidam torko a pasalnai jianga a om.

KOLOSIA 4:17

Puma chuan sin na rang an na pek ha na tor suo maje sinro, tia Archippus jiang riro,

1 TIMOTHI 3:1

Hivahi chong adik ani tu ang khat ning biakrup a lamkai achang jot aninko ama ning chuan sat ha atho jot ani.

1 TIMOTHI 3:2

Ajarko lamkaipu ama ha ko chuan salui tho jot mak: Anumei khat jak ani rang a suak, ju in jot mak, a lung a kan khap tor rang ani, a phat naija chuan tho hale mi don a thei rang, mi manchu a thei rang asuak.

1 TIMOTHI 3:5

A ma ning a insung tak asat da a en tor mak aninko, ijamo biakrup khat hi a man a en tor rang?

1 TIMOTHI 4:14

Nang in Pathian kutchoi nang jiang a om ha thei ni maro, nang chunga thiampu alian ngaile ulianngai ning an kut ansiak a na chunga an lui ri chong ha juiro.

1 TIMOTHI 4:16

Na tak sa le na mi man chuna ruia kan ning theiro, hiva chuan mun hi mak chil maro, hivahi nang in tho in lang nang le na chong jui mirakipngai ha san ring na mu nanti.

1 TIMOTHI 5:17

Hale asat a lam ana kei ulianngai ha, Pathian chong ri a, hale mi man chu hin anmani jiang han, matik nei a anmani jiang chitlejak ha ni ru a loman ha pekru.

TITAS 1:7

Ajarko, lamkai ha ning Pathian chuan tho mi ani jarra, a bing rang jak ngaidon lui, alungnem, ju ruilui, kansual kan se na nei lui, peisa tianga pham rai siat lui,

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 12:15

Pathian manrit na an phut tute nuk tiang an kir mak na rang, hale, ramsul a kha anga a hong kei sua a turin mirakip a man chok mak na rang kan ching theiru.

HEBRU 13:17

Nan lam kaingai chong jui le kan ruaia an chong na be ha juiru, anmanin an sepa tho na chung changa Pathian jiang an la pek rang ani jarra anmanin pong kan sak chil luia nan thavang chunga an na en chak ani, nang nin chong nan jui aninko anmanin ningsat tak chuan nan tho rang ani, hava ni luia an lunga ning dong pumma chuan an tho aninko nang ni ranga a nemna om noning.

1 PITAR 2:25

Nangni hi belramngai ning lam jet luia an chei anga nan lui ni, tak-ha a tun nan belramsel a nuk jui ranga ana hong kui khir jui, hale nan Thavang ana sel pe pa ha ani.

1 PITAR 2:9

Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

MANJETNA 5:9

Anmani ning la a thar khat an thoa an lui ti, “Nanghi hiva che chun long ranga rahui na ni, nang in thina na neija na thisen tenna jat rakip le phung rakip chong rakip a chok jui.