TIRLON 18:7 - Rabu Athar New Testament (BSI)

⁷ Hava mun tenna aman asuak, aming Titias Jasta anti Pathian oi mi khat inna a lut jui, ama a inn ha Sainagok sirra alui om.

TIRLON 18:7 ပူးပေါင်းရင်းမြစ်များ

JOHON 9:31

Pathian ning siatnei ngai ko jet mak, tak-ha ama chitlejak a nei, a lungdo a tho ngaiha ko a jet pe.

TIRLON 10:2

A ma ko an inn sung mirakip le adik chuan tho mi, Pathian chit alui om, mingai jiang santheina nei an khat om a pha rakip Pathian jiang a lam rat miha alui ni.

TIRLON 10:22

Han anmanin anti, ralmi riakhat neipu Kornalia mi dik le Pathian chit mi, hale Jiwngai jat mirakip ning misat ke tia rithangna an nei pasal jiang han, thavang thiang in ama a inna nang ha vatuangna ranga le nang in nari chong ha ngainaranga a ripejui.

TIRLON 13:42

Han anmanin an hong suak phan, mitamngai ha ning anmani jiang chongngai hi a hong rang sernikhuo ni han na riperu tia an lui ri.

TIRLON 13:43

Sainagok sunga an kan chun ha an tor le Jiw a tam lam le anmanin an jui Pathian ngaidon ratngai ha ning Paul le Barnabas nuk an jui jui.

TIRLON 13:50

Tak-ha chitlejak an nei numeingai le khopui sunga om pasalngain Paul le Barnabas ha Jiwngain hava mun tenna, an not chaijui.

TIRLON 16:14

Hava chong angaingai karra numei khat tiko; Thaijatira tenna ahong aming Lidia anti nu; Limon puansat juar nu, an khat om Pathian chubeibuk ama alung ha puma ning a longpe va Paul ning irirakip ha asat aluingai.

TIRLON 17:4

Hava mun na a om anmani karra Pathian oi Grikngai karra a tam lam hale numeirup karra han nom atamlamin Paul le Sailas chong ri tak anngaija an maninuk an jui jui.

KOLOSIA 4:11

Justus om anti Joshua ning chubei ana hong pek anmani anthum hi Jiwngai karra takngai mi ha anni, anmaningai ning Pathian rengram rang kei le chuan kan tho suom, asat nianga ana san mi ha anni.