TIRLON 15:6 - Rabu Athar New Testament (BSI)

⁶ Tirlonngai le ulianrupngai ha hiva chong kan biak ranga an kan chun jui.

TIRLON 15:6 ပူးပေါင်းရင်းမြစ်များ

MATHIU 18:20

Ajarko kei ka minga anni animakle anthumin an kan chun na han anmani karra kei om ka om.”

TIRLON 11:30

Hi ang hin anmanin an tho jui, Barnabas le Saul kut chunga ulianngai rang antira an man che jui.

TIRLON 15:2

Han Paul le Barnabas ning anmani le chong kan kherna atam tak uneia hiva chong kan kher jarra Paul, Barnabas le anmani karra mi aviar le Jerusalem ma a om thiamruaingai le Ulianngai jiang va kan biakna ranga an thangjui.

TIRLON 15:22

Han tirlonngai le ulianngai hale biakrupngai ning an kanchun na, anmani karra pasal anni thang suak in lang, Antiok, Paul le Barnabas kan ruaia tirrei an luiti; han anmanin takngai mi anni Juda om anti, Barsabas le Sailas hi an thang suak jui.

TIRLON 15:25

Hiva jarra kein in kan kanchun na kan kan jot na nuk juia an thang suak mingai hile kan lungsiat Barnabas le Paul kan ruaia nang ni jiang hong tir rang hi sat nati tia kan ngaidon.

TIRLON 15:4

Anmanin Jerusalem ma an hong tung han, biakrup mingai tirlonngai le ulianrupngain an lui don, hale anmanin Pathian ning a kan ruaipuija chuan i tho pe na rakip ha an ripejui.

TIRLON 16:4

Anmanin khopui khopui han an lut, Jerusalem ma a om tirlonngai le ulianrupngai ning an mansat chong lam ha jui thei na ranga anmani jiang anmani ning an lui pek.

TIRLON 21:18

Khuo a hong var le Paul ning keini le kan ruaia Jems jiang a na chepui, hava han a tar a turngai om an lui kan chel.

TIRLON 6:2

Hava han tirlon somleini ning thiamruoingai ha an kuija anti, sepa kan tho na chunga Pathian chong om kan ri rang hi suak mak.

HEBRU 13:17

Nan lam kaingai chong jui le kan ruaia an chong na be ha juiru, anmanin an sepa tho na chung changa Pathian jiang an la pek rang ani jarra anmanin pong kan sak chil luia nan thavang chunga an na en chak ani, nang nin chong nan jui aninko anmanin ningsat tak chuan nan tho rang ani, hava ni luia an lunga ning dong pumma chuan an tho aninko nang ni ranga a nemna om noning.

HEBRU 13:7

Pathian chong nang ni jianga an na ripengai, lam a keia alui ngaiha ngaidon chakru, anmaningai hongan mo an lui ringa, hongan mo an lui thi tiha ngaidon chak un na, anmani takngai na ha juiru.