TIRLON 15:22 - Rabu Athar New Testament (BSI)

²² Han tirlonngai le ulianngai hale biakrupngai ning an kanchun na, anmani karra pasal anni thang suak in lang, Antiok, Paul le Barnabas kan ruaia tirrei an luiti; han anmanin takngai mi anni Juda om anti, Barsabas le Sailas hi an thang suak jui.

TIRLON 15:22 ပူးပေါင်းရင်းမြစ်များ

TIRLON 1:23

Hava han anmanin miring anni an hong thangjui, havangai hako; Barsabas Justus om anti hale Matthias anni hi anni.

TIRLON 11:19

Stephan ruia pong khodengthei a mua an kan sanrangngai ning Jiw mingai jiang jak chong ha an ria, a dangngai jiang ko niluia anmanin Phaonesia, Saipras le Antiok khan na an hong tung jui.

TIRLON 11:20

Tak-ha anmani karra aviar ko Saipras le Sairene mi anni jarra, anmanin Antiok an honga Grikngai jiang Puma Jisu Khrista ruia an lui ripe.

TIRLON 11:22

Hiva chong hi Jerusalem ma om biakrupngai jiang a hong tung pha han, anmanin Barnabas ha Antiok antierjui.

TIRLON 11:27

Hiva ni khuongai sung hin Jerusalem ma Pathian tashantheingai ning Antiok an hong chumjui.

TIRLON 15:23

Han athuaia chong ramalngai hi le anmani ha antierjui, ulenaingai keini tirlonngai le ulianrupngai ning; Antiok om, Sairia le Silisia a om jatdang mingai chubei kannabuk.

TIRLON 15:25

Hiva jarra kein in kan kanchun na kan kan jot na nuk juia an thang suak mingai hile kan lungsiat Barnabas le Paul kan ruaia nang ni jiang hong tir rang hi sat nati tia kan ngaidon.

TIRLON 15:27

Hiva jarra Juda le Sailas hi kein in nang ni jiang kan vatir, hale anmanin nang ni jiang om chonga na ripe de nanti u, hiva kan na vathuan chongsan che hin.

TIRLON 15:3

Anmani ha biakrupngai ning antira hangan an hong lonna Phonisija le Samarija an hong kan na an lon chunga a dangjat mingain an lung an thul naha chongthai an jek ulenaingai jiang ningsat na tam tak an lui man nei.

TIRLON 15:30

Hiva suale anmani ha an tir jui, han anmanin Antiok an hong tunga, hale mitam ha an kui khomma chongsan che ha an pe jui.

TIRLON 15:32

Hale an tak in tashanthei om anni Juda le Sailas ning ulenaingai jiang chong tam tak an ria anmani ha an mathok an lung an lui manrat.

TIRLON 15:40

Tak-ha Paul ning Sailas ha athang suak ulenaingai ning anmani ha Puma manrit na han chong bena an neija, han anmanin an che jui.

TIRLON 16:19

Tak-ha numeinu a neipungain an nem na omna ha ama jiang tenna a suak ha an mu han, anmanin Paul le Sailas ha an churra kaithial sunga vaihomngai jiang an hong kaiphiat an hong tuang.

TIRLON 16:25

Tak-ha janchim phat lai han Paul le Sailas ning Pathian an lam ma, la an lui tho, han ren inna a om a dangngain nom an luingai.

TIRLON 16:29

Han a man meiser a sit a sunga a hong lut, a chit reija a kan nik thathak Paul le Sailas an madonna abokjui.

TIRLON 17:10

Hale ule naingain Paul le Sailas ha jan na Berija hina an man che jui. Anmanin hava mun ha an tung pha han Jiwngai kan chun na inna an lut jui.

TIRLON 17:14

Hava phalai tak han ulenai aviarin Paul ha tuidung suak na rang lam han an machejui. Tak-ha Sailas le Timothi ko Berija hin an om jui.

TIRLON 17:4

Hava mun na a om anmani karra Pathian oi Grikngai karra a tam lam hale numeirup karra han nom atamlamin Paul le Sailas chong ri tak anngaija an maninuk an jui jui.

TIRLON 18:5

Sailas le Timothi ning Makidonia an hong tung pha han Paul ning Jisu ko Khrista ke tia Jiwngai jiang shakhi a pek a chong alui ri.

TIRLON 8:14

Samariangain Pathian chong hi an luijui tia Jisu tirlonngain an jet pha han, anmanin Pitar le Johon ha anmani jiang an tir jui.

2 KORINTH 1:19

Ajarko pathian nai Jisu Khrista ama rui ha kein nang ni jiang ka lui ri. Kei le Silvanus hale Timothi ning o lui ti masing tak-ha pathian ning o ajot aluiti ani.

1 THESSALONIKA 1:1

Paul, Silas hale Timothi ning Thessalonika biakrup mingai chunga pa pathian le Jisu Khrista jiang a om mi lungsiat thei nale lunghip na ha nan chunga na pek rase.

2 THESSALONIKA 1:1

Paul, Silas le Timothi ning Thessalonika biakrup hin a om Pathian mingai jiang.

1 PITAR 5:12

Kei ning hivahi nang ni ranga takngai jot Ulenai Sila ning om a na san na Pathian chuan tianga nan lung man ngarru; han kei jom ama chuan sin ranga ka dei tihi ka na manjet jot.