TIRLON 14:2 - Rabu Athar New Testament (BSI)

² Tak ha Jiwngai karra takngai lui alek in ulenai a dangjat mingai jiang tur anga an man kan endajui.

TIRLON 14:2 ပူးပေါင်းရင်းမြစ်များ

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

TIRLON 1:15

Hiva nikhuo sung hin Pitar ning ulenaingai karra a ngirra a ti, mitamngai ha riakhat le somni duk anni.

TIRLON 13:45

Tak-ha Jiwngain mitamngai ha an mu karra an enlalla, Paul ning iri chong ha an shanga an lui ran.

TIRLON 13:50

Tak-ha chitlejak an nei numeingai le khopui sunga om pasalngain Paul le Barnabas ha Jiwngain hava mun tenna, an not chaijui.

TIRLON 14:19

Tak ha Antiok le Ikonija tenna an hong Jiwngain hava munna an honga, mitamngai ha an sathui Paul ha lunga an denga a thi jui tia an ngaidon, a maha khopui varaltiang an dengjuanjui.

TIRLON 14:4

Khopui sunga a om mingai ha an kansenna, aviar in Jiwngai mi anchang, hale aviar in tirlonngai mi anchang jui.

TIRLON 14:5

Han Jatdang mi le Jiwngai lamkai ulian le kan ruaia anmani ha lunga an denga an man chitjui.

TIRLON 17:13

Tak-ha Thesalonika hina a om Jiwngain Paul ning Berija va Pathian chong arijui tihi an jet karra anmanin an honga mitamngai ha an sathuija helebai an man suak jui.

TIRLON 17:5

Tak-ha Jiwngain an enlalla, mitamngai karra sin rangbui misatmak ngaiha an kuija, an kan chun puia, khopui ha an man kannok jui. Anmanin Jason a inn sunga an hong lut Paul le Sailas ha mitam madonna keisua rang ha an lui tok.

TIRLON 18:12

Tak-ha Galilio ning akhai ram sung aputlai Jiwngai ning lung khat tak khatjak an changa Paul ha an kan sualpuia, ama ha chong jenna mun han an hong tuang.

1 THESSALONIKA 2:14

U le naingai nang ni om Judia hin a om biakrup mingai Jisu Khrista a nuk jui ngai anga ni ru, ajarko nang ni om nan mingai ning pong na na pek nanti, Jiwngai ning anmani ha an lui man pong.