TIRLON 14:15 - Rabu Athar New Testament (BSI)

¹⁵ Miringngai, nang nin iruija mo hivahi nan tho? Keini om nang ni anga miringke kanni, nang nin nem na buia nan tho rakip hi a ring Pathian tiang vakanhei na ranga, asat chong hi kein in nang ni jiang kan hong choike, a man vanram, ramuol, tui, an khat om hiva sunga a om rakip asin ke.

TIRLON 14:15 ပူးပေါင်းရင်းမြစ်များ

MATHIU 16:16

Hale Simon Pitar ning, a shanga a ti, “Nang ko a ring Pathian Pasalnai Khrista na ni.”

JOHON 5:26

A pa abinga ringna kung achang anghan, a pasalnai in num abinga ring na kung achang na rang aman a sin jui.

JOHON 7:18

A ma a bing a ajek a maha ning a binga lianpui na ranga ahong ani, tak-ha ama ahong tirpu lianpui rang a hong a maha chong ajui. Hale adik lui chuan iom neimak.

TIRLON 10:26

Pitar ning ama ha a kei thuija a ti, ngirro, kei om mi ke ka ni.

TIRLON 13:32

Kan pa kan pungai jiang chongtan na lui nei chongsat chong lui ha kein in nang ni jiang kan hong choi.

TIRLON 14:21

Anmanin khopui han chong anrija mitamtak an lung an manthulla thiamruai an man chang, hale Listra, Ikonija le Antiok an hong kir jui.

TIRLON 14:7

Hava mun han anmanin chongsat ha an lui ri.

TIRLON 16:30

Hale a man anmani ha a keisuak a hong ti, “E, miringai ring na rang kein imo ki tho rang?”

TIRLON 27:10

Ahongti, “Ulenaingai, rokuanga kan khuolche kan choi phur le pai le rokuang jak hi imangrang ni luia, keini kan ringkhuo tenna mang a jot tia kein ka mu.”

TIRLON 27:21

Hale kan bungei nam ahongsotjui, hava pha han Paul ning anmani anlaia a ngirra a hong ti; “O, miringngai, nang nin kei ka chong ha nan luingai aninko, Kret tenna kan lui hong chuangmak inko, pong khodengthei hi lui tong nonising.

TIRLON 27:25

Hiva jarra ulenaingai nan ning man dong maru, ajarko, kei jiang inaripe tak hi asuak rang ke tia kein Pathian jiang takngai na ka nei.

TIRLON 4:24

An sapngain chong ha an jet pha, an lung khat jak an man changa, Pathian jiang anrasa ring tak an hong ti, “E, Puman irakip a neipu, vanram, ramuol, tuionglian le hava sunga om rakip nang in nisinke.

TIRLON 7:26

Hiva nikhuo suale anmani masea an kan sual ha a man amua, anmani man kan cham na ranga a hong ti; a rengngai jo, nang ni ulenai nanni, ijarra mo nang ni khat le khat a samak nan kan tho?

1 KORINTH 8:4

Hiva kut a sin Pathian jiang chakpek ruia kan jet, tiko puma Pathian niluia a dang Pathian om mak.

EPHESIA 4:17

Pathian minga kati ani, Jatdangai ringkhuo a nem lui mi kan ni tia om lai maru nan lung sunga;

1 THESSALONIKA 1:9

Keini kan lui hong karra ija mo nan na lui don? Kut a sin Pathian ha, ija mo nan mak a aring Pathian ha nan jui tia mirakip ning an lui ri.

1 TIMOTHI 3:15

Han kein ka hong sot aninko, nang ni jiang chong jiak na hin ka na hong manjet rang ke. Biakrup sunga ijamo kan om rang? Hivahi a ring Pathian in ha ani, adik ngai ngir thei na ranga ranak a om.

HEBRU 3:12

Sap le jar ngai, a ring chak Pathian na an phut tute an kan hei mak na rang, hi ang khan na an lung a samakle an takngai mak na nan karra a om mak na rang kan ning theiru.

JEMS 5:17

Elija ha keini le a kan ang miring an khat ani. A man rua tho mak na rang a lam pha han, kumthum le tha ka ruk rua lui tho mak.

MANJETNA 14:7

A man rasa ringa a hong khek, “Pathian ha chitru, a lian na ha man pakru, ama jiang miring rakip chunga chong ri rang pha a hong jui, amapha chubeibukru, vanram le, tuipui le ramuol hi a man a sin ani.”

MANJETNA 19:10

Kein a ke kung a chubeibuk ranga ka kiak jui, tak-ha a man kei jiang tho maro a ti, kei hi na sap khat ka ni hale na u na nai ha ka ni, Jisu ning a ti “Adik a om rakip ning Pathian chubei an buk ani, ajarko adik chong Jisu ning i naman jet rakip ha Pathian chong lui ri ngai jiang a manjet ani.”

MANJETNA 19:19

Hava suale kein sa khat le ramuol reng khat ka mu, hale anmani ral mingai an kan khomma sakor a chuang pa jiang ral tho ranga an lui om.

MANJETNA 22:9

Tak-ha ama ning kei jiang a na ti, “Chubei na buk maro, kei ko nang le Pathian chong ri na u na nai le, Pathian chong jui ngai rakip le Pathian suak kan chang ani, Pathian ha chubei bukro.

MANJETNA 4:11

“Kan Puma Pathian nang hi chit jak rang le chubeibuk rang rahui na suak, na lungdo nuk juia hiva ranak rakip hi na sin na anmani ning ring na an nei jui.”