18 Han anmanin chong hi an jet karra, an om chian na, Pathian ha alian na an mahok anti, Pathian ning a dangjat mingai jiang om limkansirna an neija ring na nei na rang a jot pe jui.
Anmanin Antiok an hong tung han biakrup mingai ha an kuikhomma, Pathian in anmani le i kan ruaipuina, chuan ithopuina rakip, hale a dangjat mingai jiang takngai na lam hi Pathian in alongpejui tia anmanin anmani jiang an lui ripe.
Anmani ha biakrupngai ning antira hangan an hong lonna Phonisija le Samarija an hong kan na an lon chunga a dangjat mingain an lung an thul naha chongthai an jek ulenaingai jiang ningsat na tam tak an lui man nei.
Han anmanin ama jiang an hong ti; “kan u kan nai nang nin nan mu; Jiwngai karra takngai mi lising lising an la om, anmani rakip in dan chong pek hava jarra an lung alalut.
Pathian ning a rapa tak nang ni jiang ama asuak ha a hong man suak jui, nang ni nan ma sialna nan siatna jarra mirakipngai ha an lung an hongthul rang han nang ni ravansat na ranga ama ha a hong tir jui.”
Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.
Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.