TIRLON 1:24 - Rabu Athar New Testament (BSI)

²⁴ Han anmanin lam na an neija anti, “Miring lung rakip jetpu O Puma, hivami anningai karra nang in an khat na thang ha na man jetro.

TIRLON 1:24 ပူးပေါင်းရင်းမြစ်များ

LUK NING A JIAK CHONGSAT 16:15

Jisu ning anmani jiang a ti, nang nin mi mit enna ko adik nankansa, tak-ha Pathian ning nan lung sunga a jet pet, miring mitenna a lian phur ngaiha, Pathian mit enna ko a sin tak ani.

JOHON 21:17

Veithum chang na Jisun ama jiang ariret, Johon a nai Simon, kei nanalungsiat mo? Veithum khan nanalungsiatmo tia Jisun ading kel jarra Pitar ning a ning alui dong. Pitar ning ama jiang a ti, Puma kein nang ka na lungsiat tihi nang in najetver, Jisun ama jiang a ti ret, kabelram ngaihi asat hong enpero.

TIRLON 14:23

Anmanin biakrup chuan putranga ulian an thangpe han nom, bungei le kan ruaia lamna an neija a takngai miha Puma chuan sin ranga apejui.

TIRLON 15:8

Mi lungdo a jetor Pathian ning keini jiang i lui tho ang han, anmani jiang om Thavang Thiang ha a pek shakhi a chang jui.

TIRLON 6:6

Tirlonngai mai kunga an man ngirra, hale an chunga an kut ansiaka lampena an nei jui.

ROM MINGAI JIANG PAUL NING A JIAK CHITHI 8:27

Hale kan lung itok Pathian ama ning thavang lungdo ham a jot, ajarko thavang ning Pathian lungdo nuk juia a thiang mingai ranga, a varpui.

HEBRU 4:13

Pathian jiang a kan thup tor ite khat om mak, a kut sin rakip a mai kunga a kando ani, hale keini kan tak kan theijak a kan omchan kan kan jet na ha kan renga Pathian jiang kan la pek lut rang ani.

MANJETNA 2:23

Hale ama a nuk jui ngai ham ka manmang rang ke. Biakrup rakip ning jet rase u, Puma ning mirakip ngaidon na an jet ti rase u, an tho nuk juia anlo man kein ka man mu rang ke.