ROM MINGAI JIANG PAUL NING A JIAK CHITHI 8:30 - Rabu Athar New Testament (BSI)

³⁰ Pathian ning a rapa alui varsa anmani ha a kui jui, a kuisa anmani ha a man dikjui, hava suale anmani ha lianpui na a pek.

ROM MINGAI JIANG PAUL NING A JIAK CHITHI 8:30 ပူးပေါင်းရင်းမြစ်များ

JOHON 17:22

Nangle kei pumkhat kan chang ang han, an manijom pumkhat an chang na ranga; ninapek mahok lianpui na ha anmani jiang ka pek ani.

JOHON 17:24

“O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei.

JOHON 5:24

Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning.

ROM MINGAI JIANG PAUL NING A JIAK CHITHI 1:6

Jisu Khrista ami chang ranga ana kui kar han nang ni om nan kan cheldejui.

ROM MINGAI JIANG PAUL NING A JIAK CHITHI 11:29

Ajarko Pathian a kutchoi le i kui na jarra ko a lung thul mak.

ROM MINGAI JIANG PAUL NING A JIAK CHITHI 8:1

Jisu Khrista jiang a om rakip ha a satlui na rang om mak.

ROM MINGAI JIANG PAUL NING A JIAK CHITHI 8:21

Ajarko, jibaning ngal lom man ranga suak an lui chang ha Pathian naingai lianpui na jarra ma sua nanti u.

ROM MINGAI JIANG PAUL NING A JIAK CHITHI 8:28

Pathian a lungsiat mingai ha ama lungdo nuk juia akei suakngai jiang sat na ranga chuan rakip a tho pui suam tihi kein in kan jet.

1 KORINTH 1:2

Korinth na a om Pathian biakrup mithiangai Jisu Khrista jianga a om chak amun rakip a ama le a kan ruai mi, kan puma anmani puma an man chang Jisu Khrista chubei abukngai,

1 KORINTH 1:9

Pathian ko takngai rang asuak, nangni hi a nai kan puma Jisu Khrista le om suam ranga a na kui ani.

1 KORINTH 2:7

Tak-ha ramuol a luisin madona Pathian in keini lurna ranga athup chian na ana lui siak pe Pathian chongruk chingna ha kei ning kari ani.

1 KORINTH 6:11

Hiva ngaihi nan karra aviar ko an om tak-ha hava ngaiha ko puma Jisu Khrista a thiang Thavang ning a rasuk jui.

2 KORINTH 4:17

Hale hiva hapkhat a keinin pongna kan nei ning, ri torluirang ningsatna le lurna ha keini jiang a na pek.

GALATIA 1:15

Tak-ha Pathian ama ami lungsiat theina jarra, nai ka chang madonna keihi ana lui thang suak ani, hale ama chuan tho ranga ana lui kui.

GALATIA 1:6

Kein ka ngak e, kan jet tor making Khrista ana lungsiat thei le kan ruaia ana kui ha nan mak a chongsat a dang khat lam nan jui ret jui.

GALATIA 5:8

Hiva ngaihi nangni ana kui ama ning atho nimak.

EPHESIA 1:11

A ma lungdo ngaidon nuk juia irakip alui tho, hale a renga ama chong pek nuk juia alui om.

EPHESIA 1:5

Puman ana lungsiat thei jarra Jisu Khrista tenna keini a naingai ana man chang jui hivahi Pathian lungdo alui ni.

EPHESIA 2:6

Khrista ama le kan ruaia thina tenna ama le kan hong ring jui hale vanram ramuol la ama le reng chang rang kan ni.

EPHESIA 3:11

Amongti bui Pathian lungdo ngaiha kan puma Jisu Khrista jiang a om.

EPHESIA 4:4

Taksa khat sunga Thavang khat a om anga taksa khat lungdo khat mit en khat chang ranga nangni hi ana lui kui.

KOLOSIA 3:4

Nang ringkhuo adik tak ha ko Khrista ke ani, a man a hong kando pha, nang ni jom nan kando rang ke, hale ama lianpui na ha nan tum suam rang ke.

1 THESSALONIKA 2:12

Hale ringkhuo asat chang na ranga ana kui hi ama rengram lian nale lur na ranga ani.

2 TIMOTHI 2:11

Kei ning chong thiang ka na ri ani, keini ning ama le kan thisuam inko ama le kan ring suam ret rang ani.

HEBRU 9:15

Hiva jarra Pathian in a kui mingai han kum sot ravansat na Pathian chong shan an mu rang ani, chong shakhi thar chuan var ha Khrista a chang jui; ajarko chong shakhi ama sat thuaia mingai an om lai han a sa mak chuan an tho na an phut ma sua an chang na rang thina rang an khat alui om jarra hivahi an tho thei ani.

1 PITAR 2:9

Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.

1 PITAR 3:9

A satlui a tho ngai jiang a satlui tho maru khua a na khong ngai jiang khua khong maru, hava rahut a phual pekru. Ajarko nangni phual mu na ranga nangni ha a na kui ani.

1 PITAR 5:10

Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.

2 PITAR 1:10

Hiva jarra ka u ka naingai nang ni ana kuia ana lui thang pa ha a khel la jet na ranga ri theiru. Ajarko nang ni ning hiva ngai hi nan tho inko itik om pong na mu noni che u.

MANJETNA 17:14

Hiva ngai ning belram chunga ral tho nanti, tak-ha belram han tor nati, ajarko kan puma ama ko renga reng chung nung, puma ama ha ani, hale Puma ning a kan ruai pui, athang suak, hale ama jiang takngai rakip ning om an tor.”

MANJETNA 19:9

Hava suale thaneithiang in kei jiang a na ti, “Hivahi, jiakro belram mui ruai ranga a kui mingai ha ravansat ha anni, hale thaneithiang in arideret, hin Pathian chong dik ngaiha a om.”