ROM MINGAI JIANG PAUL NING A JIAK CHITHI 8:27 - Rabu Athar New Testament (BSI)

²⁷ Hale kan lung itok Pathian ama ning thavang lungdo ham a jot, ajarko thavang ning Pathian lungdo nuk juia a thiang mingai ranga, a varpui.

ROM MINGAI JIANG PAUL NING A JIAK CHITHI 8:27 ပူးပေါင်းရင်းမြစ်များ

MATHIU 6:8

Ajarko, anmani ang ni maru, nan lam mak ma nan ngaidon, nan dei phur ha nan pa ning a jet.

LUK NING A JIAK CHONGSAT 16:15

Jisu ning anmani jiang a ti, nang nin mi mit enna ko adik nankansa, tak-ha Pathian ning nan lung sunga a jet pet, miring mitenna a lian phur ngaiha, Pathian mit enna ko a sin tak ani.

JOHON 14:13

Kaminga nang nin imo khat nan lam inko kein thokati, A pasalnai tenna A pa lianpui na ha nan muthei na rang, nang nin nan nalam rakip ha kei ning ki tho rang ke.

JOHON 21:17

Veithum chang na Jisun ama jiang ariret, Johon a nai Simon, kei nanalungsiat mo? Veithum khan nanalungsiatmo tia Jisun ading kel jarra Pitar ning a ning alui dong. Pitar ning ama jiang a ti, Puma kein nang ka na lungsiat tihi nang in najetver, Jisun ama jiang a ti ret, kabelram ngaihi asat hong enpero.

TIRLON 1:24

Han anmanin lam na an neija anti, “Miring lung rakip jetpu O Puma, hivami anningai karra nang in an khat na thang ha na man jetro.

TIRLON 15:8

Mi lungdo a jetor Pathian ning keini jiang i lui tho ang han, anmani jiang om Thavang Thiang ha a pek shakhi a chang jui.

ROM MINGAI JIANG PAUL NING A JIAK CHITHI 8:34

Anmani ha tu ning mo man lal na an nei rang? A lui thi ha Khrista Jisu ani, hiva khella a thi ngai kar tenna a ring khirra Pathian chang tiang han a onga keini ranga a na var pe.

ROM MINGAI JIANG PAUL NING A JIAK CHITHI 8:6

Ajarko, taksa lungdo ko thina ani, tak-ha, thavang lungdo ko ringna lunghip na ani.

EPHESIA 2:18

Jisu Khrista jarra kan renga Jiw le jatdangai le puma madonna khat jak a kan om tor jui.

1 THESSALONIKA 2:4

Keini hi pumman a chongsat ri ranga ana thang suak jui. Hiva jarra kein in miringngai lung khop na ranga tho masing tak-ha Pathian lung khop na ranga, ama han kan lung ril la kan ngaidon ha a jet.

HEBRU 4:13

Pathian jiang a kan thup tor ite khat om mak, a kut sin rakip a mai kunga a kando ani, hale keini kan tak kan theijak a kan omchan kan kan jet na ha kan renga Pathian jiang kan la pek lut rang ani.

JEMS 5:16

Hiva jarra nang ni an khat le an khat nan siatna ngaiha kan riru hale, nan dam thei na rang kan lam peru. Adikmi lam na han ranak nei tak chaun a tho.

MANJETNA 2:23

Hale ama a nuk jui ngai ham ka manmang rang ke. Biakrup rakip ning jet rase u, Puma ning mirakip ngaidon na an jet ti rase u, an tho nuk juia anlo man kein ka man mu rang ke.