ROM MINGAI JIANG PAUL NING A JIAK CHITHI 6:23 - Rabu Athar New Testament (BSI)

²³ Ajarko, siatna lo man ko thina ke, tak-ha Pathian jiang a man buia kutchoi ha ko keini puma Jisu Khrista jiang a tor ti bui ring na ha ani.

ROM MINGAI JIANG PAUL NING A JIAK CHITHI 6:23 ပူးပေါင်းရင်းမြစ်များ

MATHIU 25:46

Hale hiva rakipngai hi amongtibui tanti tho na mun han che nanti, tak-ha midikngai ning amongtibui ring na han che nanti.”

JOHON 10:28

Anmani ha kumsot ringna ka pek; thichil lai noni u; Kei jiang tenna tu khat jak innom na sut tor noni u.

JOHON 17:2

Ajarko, nang nin ama jiang mirakip chongtan na ranga ranak na pek ha ama tenna phut mirakip in a tor tibui ring na ranga ani.

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

JOHON 4:14

tak-ha tu a chang innom kei jiang an phut kipekrang tui a in miha a tui veikhat antui ralret lai noning; kei ki na pek rang tuihako, ki pek mi a tak chunga a torti buia i hong suak tuiril put anga hong chang nati.

JOHON 4:36

Chang atpu han chuan sin loman amu, hale kum sot ring na rang chang ha aman chun; Hale alingpu le atrangpuha ningsat na ranga ani.

JOHON 5:24

Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning.

JOHON 6:27

Amangrang bu jarra chuan sinmaru; hava rahut kumsot ringna rang bu jarra chuan ranak sinru, ajarko hava bu ha Mi Pasalnai ha ning ana pek rang ke, ajarko Pathian ning ama chunga chong ngirna ana pek jui.”

JOHON 6:40

Ajarko Mi Pasalnai amua tak angai rakip in kumsot ringna anneinarang, hale a torna nikhuo han kikeituirang anmani ngaihi ka pa lungdo ha ani.

JOHON 6:68

Simon. Pitar nin a sang, “Puma tu jiang mo kan che rang?” Nang jiang ko kumsot ringna chong ha a om.

ROM MINGAI JIANG PAUL NING A JIAK CHITHI 1:32

Hiva mingai hi ning hi ang chat chuan hi abalam ma an tho, thi a jot tia Pathian chong pek ha an jet chunga hava tak-ha an tho jak ni luia, a rapa a lui tho mingai hale an tho suam.

ROM MINGAI JIANG PAUL NING A JIAK CHITHI 2:7

A sat chuan tho jarra duirat, lianpui na, chitlejak, le a mangtibui ha an tokngai jiang a tor tibui ringkho ha pek nati.

ROM MINGAI JIANG PAUL NING A JIAK CHITHI 5:12

Hiva jarra mi khat ruia siatna le siatna jarra thina hi a hong jui, hi ang hin mirakip chunga thina hi a suak jui; ajarko mirakip in siatna an tho jui tina anga ani.

ROM MINGAI JIANG PAUL NING A JIAK CHITHI 5:17

Ajarko miring khat siatna jarra thina ha reng anga a hong chang inko, manrit nale dikna jarra kutchoi han khel la Khrista Jisu jarra ring na ranga Veikhat reng anga kan om rang ke.

ROM MINGAI JIANG PAUL NING A JIAK CHITHI 5:21

Tak-ha thina ha ning siatna reng anga a ong om ma manrit na ning keini kan puma Jisu Khrista jarra a tor ti buia ring na ranga dik na jar han reng anga om na ranga siatna bil han manrit na ning a khel la a hong tamjui.

ROM MINGAI JIANG PAUL NING A JIAK CHITHI 6:16

Thina i man suak siatna ning ani nom, chong jui jarra dik na i man suak aninom, nang nin chong jui ha nan chang na rang suak ang han nan kan pek lut; nang nin a chong nan jui amasuak kan ni tihi jet ma che u mo?

ROM MINGAI JIANG PAUL NING A JIAK CHITHI 6:21

Ha aninko hava lai pha han nang nin imo nan lui tum? Hava chuan ngai jarra atunko nang nin jak na ha nan mu jui, hava chuan rakip amongna ha ko thina ke ani.

ROM MINGAI JIANG PAUL NING A JIAK CHITHI 8:13

Ajarko nang nin taksa lungdo nuk juia nan ring aninko nan thi rang ke, tak-ha thavang jarra nang ni taksa chuan ha nan man thi aninko ring na nan mu rang ke.

ROM MINGAI JIANG PAUL NING A JIAK CHITHI 8:38

Ajarko kei ning takngai na kanei, tiko thina ning anin nom, ring na ning anin nom, thanei thiangai anninom, a tor pungai, a tun pha hin an in nom, a hong rang pha han an in nom, ranakneingain anninom.

ROM MINGAI JIANG PAUL NING A JIAK CHITHI 8:39

Chung chuan na ning an in nom, a thuk thuainung tak in an in nom, tu ang khat a ring an in nom, keini kan puma Jisu Khrista jiang i om Pathian lungsiat na han keini hi na man kan sen tor lai noni u.

ROM MINGAI JIANG PAUL NING A JIAK CHITHI 8:6

Ajarko, taksa lungdo ko thina ani, tak-ha, thavang lungdo ko ringna lunghip na ani.

GALATIA 3:10

Ajarko chena dan na lungam na anei ngaiha kho khong tung nanti, hingahin chong thianga alui kan jiak.

TITAS 1:2

A torti bui ngaidon ha ko, leisei kan chel lui, Pathian ning a tuan lai na pek kati tia chong sam na alui nei.

JEMS 1:15

Hiva jarra asat mak ha lungdo a hong tung pha han siatna a man suak, hale siatna ning lungdo a hong tung pha han, thina a hong suak.

1 JOHON 2:25

Khrista ning keini jiang kum sot ringna na pek rang ama a thei jak a chong sam ke ani.

MANJETNA 21:8

Tak-ha a chuk lui ani lui chong ri mi that omchan salui ache, ani lui kut a sin phur chubei a bukngai rakip ko amongtibui mei khurra om rang anni, hivahi veini tung na thina ha ani.”