ROM MINGAI JIANG PAUL NING A JIAK CHITHI 6:12 - Rabu Athar New Testament (BSI)

¹² Hiva jarra nang nin siatna lungdo ha juimak na rang a thi ranga a om nang ni taksa ha siatna ning reng anga vaihom ma rase.

ROM MINGAI JIANG PAUL NING A JIAK CHITHI 6:12 ပူးပေါင်းရင်းမြစ်များ

ROM MINGAI JIANG PAUL NING A JIAK CHITHI 13:14

Tak-ha nang nin Puma Jisu Khrista ha puan si diar kei anga kairu, hale taksa ning i dei ha man tung na ranga taksa rang var maru.

ROM MINGAI JIANG PAUL NING A JIAK CHITHI 2:8

Atak rang jak ngaidon, adik ha i jot lui tak-ha adiklui lam ajui, ngai jiang pong khodengthei na om nati.

ROM MINGAI JIANG PAUL NING A JIAK CHITHI 5:21

Tak-ha thina ha ning siatna reng anga a ong om ma manrit na ning keini kan puma Jisu Khrista jarra a tor ti buia ring na ranga dik na jar han reng anga om na ranga siatna bil han manrit na ning a khel la a hong tamjui.

ROM MINGAI JIANG PAUL NING A JIAK CHITHI 6:14

Ajarko siatna ning nang ni ha vainahom lai noning hale nang niko dan chong pek thuaija nan om nimak, tak-ha manrit na thuaija nan om ani.

ROM MINGAI JIANG PAUL NING A JIAK CHITHI 6:16

Thina i man suak siatna ning ani nom, chong jui jarra dik na i man suak aninom, nang nin chong jui ha nan chang na rang suak ang han nan kan pek lut; nang nin a chong nan jui amasuak kan ni tihi jet ma che u mo?

ROM MINGAI JIANG PAUL NING A JIAK CHITHI 8:11

Ha an in nom Jisu ha a thi ngai kar tenna i man ringkhir ama thavang ha ning nang ni jiang a om aninko, Khrista Jisu ha a thi ngai kar tenna a ringkhir ama ning nang ni jiang a om ama thavang jarra a thi rang suak kan taksa ha na manring pe nati.

ROM MINGAI JIANG PAUL NING A JIAK CHITHI 8:13

Ajarko nang nin taksa lungdo nuk juia nan ring aninko nan thi rang ke, tak-ha thavang jarra nang ni taksa chuan ha nan man thi aninko ring na nan mu rang ke.

2 KORINTH 4:11

Ajarko keinin kan ringlai hin Jisu Khrista jarra thina rang khan na an na lui tho; hi ang hin Jisu Khrista a ringkhuo ham keini chunga asuak anga ani.

2 KORINTH 5:4

Ramuol la inn hin kan om lai keinin ning dongna kan nei a chang nom taksa ramuol hi kan mak jot ko chang mak. Tak-ha vanram ma a om phur ha kan mu jot jarra ani. Hi aninko amang torlui phur ha kan ringkhuo hin om nati.

GALATIA 5:16

Kein ka na ri ani, Thavang Thiang han nan chunga lam man kan keiru, hi aninko taksa ning a dei rakip ha tho torno ni che u.

GALATIA 5:24

Atunko Khrista jiang a om ama ha taksa ning a dei ngai rakip ha khros chunga a that pet jui.

EPHESIA 2:3

A thianga keini om hava mingai angnga ramuol la lungdo nuk juia taksa lungdo rakip ha kan lui tho, taksa lingdo ngaiha ko keini khodengthei nale puma lung thok na alui chang.

EPHESIA 4:22

Atunko nangni chunga a salui nun chan ngai rakip mi en lal leisei chong, taksa ning adei rakip ha mak taru.

1 THESSALONIKA 4:5

Pathian jet lui mingai anga taksa mit en rang jak hin om maru.

2 TIMOTHI 2:22

Rualthar khat changa nan dei ngaiha makru, ajarko chuan sat le takngai le lungsiat le lunghip na neiru, Puma ning a kui alung thiang mingai hale kan ruairu.

TITAS 2:12

keinin Pathian jet lui le ramuol lungdo ha jot mak singa, kan lung kan kan churra adik hale, Pathian lungdo ha atun tho thei na ranga hiva ramuol chunghin kan ring lai manrit na ha ning a na man chu jui.

TITAS 3:3

Ajarko keini om, atuan lai mingai ham, ri jui lui, leisei, a dang a dang omchan salui le kum hei ranga suak, kan enda, khat le khat kan ma tir mi ha kan lui ni.

1 PITAR 1:14

Pathian ha juiru, hale ramuol la na dei rakip han nang ha man kan tor maro, hale ikhat jet lui anga om maro.

1 PITAR 2:11

Ka lungsiat ka sap ngai kein nang ni ha ka na mathem, ramuol chunga khual mi khat anga nan taksa ning a dei ngai ha pek maru, hava ngaiha phat rakip a Thavang ning a jot lui ngaiha ani.

JUD TENNA CHITHI 1:16

Hiva ngai hi ko mi nuk tiang a chong ri siat, a khop ti bui, an lungdo nuk jui a an che, an nei na rang jak an ngaidon na mi mai en lui, a chong ri an man kan thuai ngaiha anni.

JUD TENNA CHITHI 1:18

Anmanin an lui ti, a torna pha han Pathian lungdo jui luia an lungdo jak an tho ngaiha hong suak nan ta nang ni ha na nok nanti.