ROM MINGAI JIANG PAUL NING A JIAK CHITHI 5:5 - Rabu Athar New Testament (BSI)

⁵ A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

ROM MINGAI JIANG PAUL NING A JIAK CHITHI 5:5 ပူးပေါင်းရင်းမြစ်များ

TIRLON 10:45

Han Pitar le an hong kan ruai chun, vun tanngai karra takngai mingai hanning an ngak banna, ajarko a dangjat mingai jiang om Thavang Thiang kutchoi hi an bunthuanpejui.

TIRLON 2:17

Pathian ning a ti, a torna nikhuo han hivahi ni nati, kei ning mirakip chunga ka Thavang ka hong bunthuan rang ke, hale nan pasalnai nai le numeinaingai ning kei ka chong ri nanti u, hale riatharngain anlungmit mu na nei nanti u, atarngain mang phal nanti.

TIRLON 2:33

Hiva jarra Pathian kut chang tiang han a dom mansanga hale Thavang thiang ka na pek rang ke tia shakhi alui pek ha a pa tenna a mua, nang nin nan mu le nan jet hi a man i hong bun thuan ke.

ROM MINGAI JIANG PAUL NING A JIAK CHITHI 1:7

Rom ma a om Pathian ning alungsiat, mi thiangai tia an phua rang nang ni jiang kan Pathian le puma Jisu Khrista manrit nale ahip adai ha om rase.

ROM MINGAI JIANG PAUL NING A JIAK CHITHI 8:28

Pathian a lungsiat mingai ha ama lungdo nuk juia akei suakngai jiang sat na ranga chuan rakip a tho pui suam tihi kein in kan jet.

ROM MINGAI JIANG PAUL NING A JIAK CHITHI 9:33

Hi ang hin a kan jiak, enru Zion na kutsuikesui na rang le kan lum na ranga lung lianpa kei ning ka tet, hale Puma takngai ama ha jak na man nei noning.

1 KORINTH 8:3

Tak-ha tu khat ning Pathian ha a lungsiat inko, ama ha Pathian ning a jet.

2 KORINTH 1:22

Pathian in kan chunga amata kanni ti jet na dak amun ana siak jui hale ama thavang thiang han kan sunga a suailui ranga ana pek jui.

2 KORINTH 13:14

Jisu Khrista a mi lungsiat thei nale Pathian lungsiat le thavang thiang kan chun na ha nan chunga om rase.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

GALATIA 4:6

Hale nang nin a naingai nan ni jarra pathian ning a nai thavang ha kan lung sunga a na thun pe jui hale thavang ham a pa ti a a chap.

GALATIA 5:22

Tak-ha Thavang Thiang ning a hong manra ha ko hi ani. Lungsiat, ningsat lungnem, khang thei, mi lungsiat, chuntho asat le takngai ha ani.

EPHESIA 1:13

Hale Pathian chongsat ha nan jet tenna phut ama anai nan hong ni jui.

EPHESIA 4:30

Pathian tenna ahong Thavang Thiang ha man pong maru nan sunga a om thavang ha nang nin a selpu nan ni Pathian ning a masua rang phat a la hong rang ke.

PHILIPI 1:20

Kein jak na nei noning, pha rakip ka tha inuam ang han, a tun nom ka ring ka thi innom ka ringkhuo hin Khrista manpak ha ka ni rang ke.

1 THESSALONIKA 4:8

Hiva jarra tu an khat ning chong pek ajui lui aninko miring chong pek ajui lui nimak, thavang thiang ana pek puma chong pek ajui lui ani.

2 THESSALONIKA 2:16

A tunko puma Jisu Khrista le pa Pathian lungsiat na han amongtibui ningsat nale lungdo tung na han.

2 TIMOTHI 1:12

Hiva jarra kein khodengthei na ka mu ani. Tak-ha kei hi ka lung a ngam ajarko kein ka jet tu mo tak ka ngai ha, hale kein ka jet tor a man kei hi ana ngam na jui, a man kei hi a torna nikhuo hin nom ana san tor.

1 JOHON 4:19

keini Pathian in a rapa a na lungsiat jarra, keini nom kan lungsiat ani.