ROM MINGAI JIANG PAUL NING A JIAK CHITHI 15:14 - Rabu Athar New Testament (BSI)

¹⁴ Ulenaingai nang ni nan tak jiang asat le ching na theina nan mu jui, khat le khat om man kan chu kan tor jui tia kei ka tak khet in nan chong ha takngai na ka nei.

ROM MINGAI JIANG PAUL NING A JIAK CHITHI 15:14 ပူးပေါင်းရင်းမြစ်များ

1 KORINTH 1:5

Ajarko nangni Khrista jiang nan om han chong jek thei nale ching thei na nan hong nei jui.

1 KORINTH 12:8

Ajarko mi khat jiang Thavang Thiang in ramuol la ching na alui pek.

1 KORINTH 13:2

Hale kein Pathian chongringai ranak ka neija, hale a hong suak rang chong rakip ka jet nom, takngai na ka neija chingtum ka man kan thon tor aninom, lungsiat ka nei mak inko kei i om ni making.

1 KORINTH 8:1

Atunko kut a sin Pathian jiang chakpek ruia kein in kan jet jui. Chingna theina ning thuaina mankanliana a na pek tak-ha lungsiat ning asat chuan na a na mankanson.

1 KORINTH 8:10

Ajarko chingna theina aneipa ama han kut a sin Pathian om na bu nek na mun han a om karra ching na a nei lui mi khat ning a mu inko Pathian jiang chak an pek ha chak jot noning mo?

1 KORINTH 8:7

Miriakip ning an jet ko nimak, tak-ha mi aviar ko atun tunga kut a sin Pathian jiang chakpek an la tho, hale an chak ha adik dikmakti an jet lui jarra anmanin an chak ha Pathian manthiangmak tia an lui om.

2 KORINTH 8:7

Nang nin irakip a nan vat na om mak, takngaina, chongria hale chingna thei na hin nom, mi sanjot lungdo hin nom, hale keinin nangni ha lungdo lian na lungsiat chuan ha kan na man tho jot.

EPHESIA 5:9

Avar ning imanra ngaiha ko adik, asat, chuan sat, ngaiha ani.

PHILIPI 1:11

Jisu Khrista jarra mi dik chang thei na ara ha asip, Khrista nikhuo han a thianga Pathian lianpui na ha nan mu rang ke.

PHILIPI 1:7

Nangni ko pha rakip a kalung sunga nan om, tihi adik ke; kein ren inn na ka om lai, chongsat ruia nang nin ranak nan na na pek, hiva jarra, nangni rakip hi kei le manrit na kan tum suam rang ani.

KOLOSIA 3:16

Khrista chongsat ha ning na lung sunga om rase, chingna theina, khat le khat nan man kan chuna, nan kan ripe na rakip a manpak la, biakrup la, choi lom na la, thavang rakip ha nan lung sunga Pathian jiang thoru.

1 THESSALONIKA 5:11

Hiva jarra nang ni khat le khat lung thok nale thanuam na ha kan pekru hale khat le khat kan sanru.

1 THESSALONIKA 5:14

U le naingai a tal mingai ham, a chit dop ngai ham, lung thok na tho peru, asual ngai ham sanru.

2 THESSALONIKA 1:11

Hiva jarra kein in phat rakip a lam na kan nei, Puman ana kui hi mi sat khat chang na ranga hale ama ranak han chuan sat tho nale takngai na hin na man rat rase.

2 TIMOTHI 1:5

Kein ka jet nangni hi lung thianga tak nanngai hale nanpi Lois le nan nu Eunice an takngai na anga nangni om hingahin tak nanngai rang ani tia ka lui.

PHILEMON 1:21

Na chong ri hi angai lui ha ka jet kei ning nang jiang ka hong jiak ani. Kei ning ki na ri nek a nang in a khel la ni na tho pe rang ke tia ka ngaidon.

HEBRU 5:12

A tun na a pha hin ko nang ni mi man chu oja nan chang thei rang ani jui. Tak-ha a tun tunga Pathian chong a phut na jak ha man chu rang a la suak, burum nek a shelkhom tui lam nei rang hi a la om ani.

HEBRU 6:9

Tak-ha ae, lungsiat sap le jar ngai kein in hiva tunga kan lui ri jui aninom, nangni ranga ko jet thiang na kan nei jui, tiko ravansat nale, kan san ring na ha dan ta ani jui tihi keinin kan jet.

2 PITAR 1:12

Hiva jarra kei ning phat rakip a hiva ruia ka na manjet rang ke, nang ni ning adik ha nan luia nan jet a chang nom,

1 JOHON 2:21

Nang nin adik ha jet ma che u tia ki na manjet nimak, nang nin nan jet, hale adik tenna phut leisei i tik om suak mak tihi nan jet.