ROM MINGAI JIANG PAUL NING A JIAK CHITHI 12:17 - Rabu Athar New Testament (BSI)

¹⁷ Nang jiang a satlui an tho jarra, a satlui tianga ma le maro; mirakip mit en na asat ha tho torna ngaidonro.

ROM MINGAI JIANG PAUL NING A JIAK CHITHI 12:17 ပူးပေါင်းရင်းမြစ်များ

MATHIU 5:24

Pek na mun han na kutchoi ha mak in lang na u na nai le hongkanchamna bakru, ha suale na kutchoi ha hong pero.

MATHIU 5:39

Tak-ha kein nang ni jiang kati a sa mak tho mi ha khap maru. Tu aninom na ngemtang chang tiang ana ben inko veitiang om dopero.

ROM MINGAI JIANG PAUL NING A JIAK CHITHI 12:19

Ka manritngai, nang ni masia phu kan lui maru, tak-ha Pathian lung thak na ha peru; ajarko hingahin a kan jiak jui, phu lui rakip kei ta ke; a hun khan na phu ki lui rang ke, Puma ning a ti.

ROM MINGAI JIANG PAUL NING A JIAK CHITHI 14:16

Hiva jarra nang ni nan chuan sat ha esella jek ma rase u.

KOLOSIA 4:5

Pha nan nei na rakip a asat a nei manru, takngai luingai jiang kan ching thei a om ru.

1 THESSALONIKA 4:12

Hingahin nang ni jiang Pathian takngai mingai ning chitlejak na nei nanti, hale mi jiang tok lui a ring tor nanti.

1 THESSALONIKA 5:15

Enru tu khat ning om a satlui han a satlui male maru, tak-ha phat rakip a chuan sat tho ranga tokru miring rakip jiang.

1 THESSALONIKA 5:22

Asiat, chuan salui rakip ha makru.

1 TIMOTHI 5:14

Hiva jarra kei ning ka dei ko, numei nai pang mei thai ngai ha in nei rase u, nai nei rase u, hale an nai ngaile in asat a en rase u. Hi aninko keini ana enda ngai ning ani lui chong i te khat ritor noni u.

1 PITAR 2:12

Nan omchan ngaiha asat a om ru, Jatdangngai karra, han anmani ning adik lui nan tho tia an na ri siat in nom, nan chuan sat ha an mu karra Pathian a hong nikhuo han puma manpak nanti.

1 PITAR 3:16

Nang in chitlejak neinang lung nem tak a thoro, hale na lung ha man thiangro, ha aninko anmani ning nang ha non tak an na pek karra Pathian nuk jui ngai jiang a satlui chong ri ngaiha an chong ri dan na jak na an mu rang ke.

1 PITAR 3:9

A satlui a tho ngai jiang a satlui tho maru khua a na khong ngai jiang khua khong maru, hava rahut a phual pekru. Ajarko nangni phual mu na ranga nangni ha a na kui ani.