ROM MINGAI JIANG PAUL NING A JIAK CHITHI 12:10 - Rabu Athar New Testament (BSI)

¹⁰ Inn sung mi nikan lungsiat ang han, khat le khat kan lungsiatru; ankhat in an khat ha man kan ritru.

ROM MINGAI JIANG PAUL NING A JIAK CHITHI 12:10 ပူးပေါင်းရင်းမြစ်များ

MATHIU 20:26

Aninnom nang ni kara ko hi anghin nimak tak-ha, tu aninom nang ni karra a lian chang jot ha ning, nang ni chuan tho ha ni nati.

LUK NING A JIAK CHONGSAT 14:10

Han nang ha kuina a na nei karra athuai a sin ngai ong na han ongro, han a na kuipa han a hong karra sap hiva a chung alutiang ongna hin na ongpero tia inakui rang ke. Hingahin mitam karra nang ha chitjak an na nei rang ani.

JOHON 15:17

‘Nang ni khat le khat kan lungsiatru’ tihi kei chong pek ani.

JOHON 17:21

Anmani an renga pum khat jak anchangthei na rang ka na lam Puma kei hi ramuol na na hong tir tihi an jet tak annangai na rang, O A pa! Puma nangkei na na om pui ang han, anmanijom kei jiang an om chak na rang ka na lam ani.

TIRLON 4:32

Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man.

ROM MINGAI JIANG PAUL NING A JIAK CHITHI 13:7

Pek rang isuak ha peru, khasana tel rang suak ha telru. Nan binga nan pek rang ha peru, hale chitlejak nei rang suak han neiru.

GALATIA 5:13

Ajarko nangni hi na masua ranga ana kui ani, u le naingai nang ni jiang a na masua ha tak sa lung khop na ranga nei man maru tak-ha lungsiat a khat le khat chunga kan sanru.

GALATIA 5:22

Tak-ha Thavang Thiang ning a hong manra ha ko hi ani. Lungsiat, ningsat lungnem, khang thei, mi lungsiat, chuntho asat le takngai ha ani.

GALATIA 5:6

Ajarko keinin Jisu Khrista le kan om suam karra vuntan mo vun tan lui mo a kan khel na om mak. A liantak ko takngaija chuan tho lungsiat ha ani.

PHILIPI 2:3

A bing rang jak a ngaidon, chong na pal ite khat tho maru, hava rahut a nan lung man rem in lang kei nek a dang mi ning an sat ke tia kan lui ru.

KOLOSIA 1:4

Ajarko, nang nin pa pathian mingai ha nan lungsiat pet, hivahi Khrista takngai na nan nei jarra ani.

1 THESSALONIKA 4:9

Nang ni khat le khat lungsiat thei na ranga kein in chithi kan jiak rang ngai mak. Ajarko pathian in nan nai ngaile kan lungsiatru tia kan puman ana ripe jui.

2 THESSALONIKA 1:3

Keinin nangni ranga phat rakip a Pathian manpak hi keini ranga adik chuan ani. Nangni takngai na nan nei le khat le khat nan kan lungsiat ha hong khel me men rase.

HEBRU 13:1

Khrista minga ulenaingai a chang nangni ankhat le an khat kan lungsiat chakru.

1 PITAR 1:22

Nangni ning adik chong ha nan jui jarra nan man kan thiang jui, hale nang ni khat le khat adik khan na kan lungsiatru.

1 PITAR 2:17

Mirakip hi chitlejak neiro, na u na naingai ha lungsiat petro. Pathian hi chitlejak neiro, hale rengpa ham chitlejak neiro.

1 PITAR 5:5

Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”

2 PITAR 1:7

Nang ni Pathian nan jet han na u na nai anga asat a thoru. Na u na nai anga asat a na tho na han na lungsiat ha hap dero.

1 JOHON 4:11

Ka manrit ka sap ngai Pathian ning hiang khan a na lungsiat a chang inko keini khat le khat kan lung i kan siat rang a suak.

1 JOHON 4:20

Tu ang mi an khat in kei Pathian ka lungsiat ti sen lang, a u anai ko a enda ama tir aninko ama ha leisei ke ani, ajarko a man a u anai ngal jom lungsiat lui a amit a mu lui Pathian ha ijamo a lung i siat rang?