ROM MINGAI JIANG PAUL NING A JIAK CHITHI 1:16 - Rabu Athar New Testament (BSI)

¹⁶ Ajarko kein chongsat jarra jakna nei making, hivahi a takngai rakip ning sanring na muna ranga Pathian ranak ke, a phut na han Jiwngai jiang le Grikngai jiang om ani.

ROM MINGAI JIANG PAUL NING A JIAK CHITHI 1:16 ပူးပေါင်းရင်းမြစ်များ

MARK 8:38

Tu a chang innom tunlai siat nale sat mak na miruol sunga hin keirang le ka chong rang jarra a na jakpui mi ha, Mi Pasalnai han a pa lianpui nale kan ruaia thaneithiangngai an hong pha anjak pui rang ani,” a ti.

LUK NING A JIAK CHONGSAT 9:26

Ajarko kei jarra, ka chong thiang ri ranga ajak ngaiha Mi Pasalnai le a pa le thaneithiang ngain lianpui na, a hong pha han amanjak rang ke.

JOHON 7:35

Jiwngai anmani karra anluikanti, “Honmo achea keinin ama kan mu tor makrang? Jiwngai om na Grik khopuia a chea ihong manjet rang mo?”

TIRLON 3:26

Pathian ning a rapa tak nang ni jiang ama asuak ha a hong man suak jui, nang ni nan ma sialna nan siatna jarra mirakipngai ha an lung an hongthul rang han nang ni ravansat na ranga ama ha a hong tir jui.”

ROM MINGAI JIANG PAUL NING A JIAK CHITHI 10:17

Hiva jarra chong a ngai jarra takngai na an nei, hale chong ha ko Khrista ruia ani.

ROM MINGAI JIANG PAUL NING A JIAK CHITHI 15:19

Hingahin Jerusalem tenna ka honga Ilurikam kahongsuak thenga kei ning Khrista chongsat ha a kip dirra ka hong ri jui.

ROM MINGAI JIANG PAUL NING A JIAK CHITHI 15:29

Han kein nang ni jiang ka hong pha han Khrista jiang tenna, le kan ruaia ka hong rang ke tia ka jet.

ROM MINGAI JIANG PAUL NING A JIAK CHITHI 2:9

A satlui tho mirakipngai ning takngai rang rahut rangna le khodengthei na om nati, a rapatak Jiws jiang hale Grik jiang om nati.

ROM MINGAI JIANG PAUL NING A JIAK CHITHI 4:11

Tak-ha ama vun an tanmak ma han a man takngai na a nei nuk jui a adik vuntan jet na ha a man a mu jui, hiva jarra anmanin mi dik ke tia an lui, Vun antanmak ma takngai mirakip ning ama ha apa tia an lui.

1 KORINTH 15:2

Hiva Pathian chongsat hi nang nin a det a churru, ring na nan mu rang ke, hi animak inko nan takngai na rakip ha a nemna om noning.

1 KORINTH 2:2

Ajarko kein nan karra a thei lui anga ka lui om ma Jisu Khrista ha thing khros chunga a thina jak ha ka lui ri ani.

1 KORINTH 2:4

Ka luiri chongngai ha miring theina jetna tianga luini mak, tak-ha Thavang Thiang ranak ha dona ranga aluini.

1 KORINTH 9:12

Midang ngai ning nang ni jiang an na ri tor aninko, keini ning anmani nek a ritor na ranak kan nei luimo? Tak-ha keinin lui ri masing hale i rakip a kan lui khang Khrista chongsat rihin a salui man suak jot masing.

1 KORINTH 9:18

Han kein ki mu rang loman ha imo ani? kein Pathian chongsat ha a man buia ka ri, ka mu rang asuak ha tok luia, hivahi kei ranga ravansat ha ani, Pathian chong ka ri rang asuak.

2 KORINTH 2:12

Kei ning Traos hin Khrista chongsat ka lui ri karra pathian in kei ranga kot a na lui longpe.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 9:13

Hiva pekna chuan hin ana manjet, nang nin Khrista chuan sat ha nan tho, hale lungdo liana nan pek tor jarra mirakip ning Pathian lurna ha manpak na an nei.

GALATIA 1:7

A thinga Pathian chongsat adang khat lui om mak, mi aviar ning nangni jiang a om Jisu Khrista chongsat ha manmang na rang an tho ani.

1 THESSALONIKA 2:13

Pa pathian hi ka manpak chak, ajarko chongsat hi nan jet karra Pathian chong ke tia nan lei lui. Hiva hi Pathian chong tak ha ani. Pathian chong han nan sunga chuan a tho jui.

1 TIMOTHI 1:11

Hiva chong lam hi Pathian chong thiang hin kan mu, han Pathian lianpui nale phual hi mingai jiang ri ranga kei jiang ana ngam na ani jui.

2 TIMOTHI 1:12

Hiva jarra kein khodengthei na ka mu ani. Tak-ha kei hi ka lung a ngam ajarko kein ka jet tu mo tak ka ngai ha, hale kein ka jet tor a man kei hi ana ngam na jui, a man kei hi a torna nikhuo hin nom ana san tor.

2 TIMOTHI 1:16

Pathian lungsiat na ha Onesiphorus inn sunga om rase ajarko kei hi anmani ning an na lui don, kei ning pong na mun na ka lui om lai han nom na jak pui mak.

2 TIMOTHI 1:8

Nang in Pathian chong ri rang hi jak maro, kei ning Pathian ruia pong na ka mu hi om na jak pui maru, hiva rahut a Pathian chongsat ruia nang ni om kan chelru, Pathian ning nan chunga ranak ana pek.

HEBRU 4:12

Ajarko Pathian chong ha a ring chak le chuan tho chak ani, chemsei vei le chang a ngei nek a thuk tak a at tor, tak sha le thavang a kan chun na hale sarule a hang sun khui tor, miring lung ngaidon le dei rakip a jet tor ha ani.

1 PITAR 4:16

Tak-ha Khristian khat changa khodeng nan thei karra, nang ni ning jak maru, han Pathian ha man pakru, hale Pathian a minga ngirru.