MATHIU 25:41 - Rabu Athar New Testament (BSI)

⁴¹ Hava han a man aveitianga a omngai jiang hong ti nati, kho khong na tungngai kei jiang tenna che u nang seitan le ama thaneithiangngai ranga an lui varsha athitibuimei khurra che taru.

MATHIU 25:41 ပူးပေါင်းရင်းမြစ်များ

MATHIU 13:40

Hiva jarra ramsul ha manchun nan ta, hale meija an hal rang, ramuol torna pha ha hi ang hin ni rang ani.

MATHIU 13:42

Hale mei khur sunga deng juan nanti anmanin hava mun han chap le harialna ni nati.

MATHIU 13:50

Hale anmani ha mei khur sunga deng juan, nanti, hava mun han chap le harialna ni nati.

MATHIU 18:8

“Hale na kut animakle na ke ning, kutsui kesui na ana man nei inko; tanro hale nang jiang tenna peiro, ajarko kut le ke kipdirra athitibui mei khurra an na deng juan rang nek inko, ke bui, animakle kut buia ring na mun na lut ha ning nang ranga a khel la asat ani.

MATHIU 25:42

Ajarko ka von achamlai nang nin bu na pe ma che u, hale kein katui arallai nang nin in ranga na pe ma che u.

MATHIU 25:46

Hale hiva rakipngai hi amongtibui tanti tho na mun han che nanti, tak-ha midikngai ning amongtibui ring na han che nanti.”

MATHIU 3:12

A ma yangjap a kut a lek, a chang rasik na mun asat man thiang nati, han chang ha innte sunga thun nati, tak-ha ashi avai ha ko, athitibui mei khur sunga deng juan nati.”

MATHIU 4:10

Han Jisun ama jiang a ti, “Chetaro seitan, ajarko, hingahin a kan jiak sake, nang in na Puma na Pathian jak ha chubei na buk rang a suak.”

MATHIU 5:22

Tak-ha kein ka na ti, tu aninom a u a nai jiang arui a jar buia lung thak na a nei inko, chongtan na han khodengthei na mu nati, tu aninom a u a nai jiang nem na bui le shatnabui tia akok aninko ama ha ulianrup kan chun na mai kung a khodengthei mu nati, tak-ha tu aninom a u a nai jiang mi am, mivet, nem na bui a tinko mei khurra khodengthei na mu nati.

MATHIU 7:23

Hava pha han kein anmani jiang tirang ka ni, kein nang ni ha na lui jet chilmaking; kei jiang tenna che taru, nang ni tho salui tho ngai.

LUK NING A JIAK CHONGSAT 13:27

Hale a man hong ti nati, ‘Nang ni ha hon tianga a hong mo nan ni? Kei tenna an phut che taru, nang ni misat nimak che u;’

LUK NING A JIAK CHONGSAT 16:24

Kanchongpa han Abraham ha akuia, a pa, keihi na lungsiat diro, hale Lazarus akutchal han tui manchop bak a ka lei hin hongmansit ranga na ri pero, ajarko kei meichuan chunga ponga kaomjui.

JOHON 8:44

Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.

2 THESSALONIKA 1:7

Khodengthei tak a alui om mingai le keini chunga pathian in pong kan sak na ana pek rang ke. Jisu Khrista ning vanram tenna a hong chum pha han Pathian chuan a tho rang ani.

2 THESSALONIKA 1:9

Anmani ning amongtibuia pong na ha mu nanti, Puma lian na lurna ha mu noni u.

HEBRU 6:8

Tak-ha ling le ramsul a mong inko a nem na om lai ma, Pathian kho khong na ha a mu khodengthei na meija rovam rang ani jui.

2 PITAR 2:4

Ajarko Thavang Thiang ten nom siatna an tho karra Pathian ning a hui lui mei khurra atir, hale chong jen ranga an ngak ngaiha Pathian ning a jing na mun na a siak.

1 JOHON 3:10

Hin Pathian nai le Seitan nai anni kong karra a hong kando ani; tu a chang innom chuan dik a tho lui ha a u anai a lungsiat lui mi ha ani, hale Pathian nai ha ni lai mak.