MATHIU 24:36 - Rabu Athar New Testament (BSI)

³⁶ Tak-ha hava nikhuo le aphat ha ka pa nilui a, thaneithiangngai nom, hale tu khat in om jet ma u.

MATHIU 24:36 ပူးပေါင်းရင်းမြစ်များ

MATHIU 24:42

Hiva jarra kan ning theiru, ajarko nang ni nan puman a hong rang pha nang nin jet ma che u.

MATHIU 24:44

Hiva jarra nangninom kanning chak omru, ajarko nang nin nan ngaidon mak, phat tak han Mi Pasalnai ha hong nati.

MATHIU 25:13

Hiva jarra kan ning theiru, ajarko Mi Pasalnai ning a hong rang nikhuo le a pha nang nin jet tor ma che u.

MARK 13:32

“Hava nikhuo le aphahako a Pa ni luia, vanram thaneithiangngai le a nai Pasal ha nom tu ten jet ma u.

TIRLON 1:7

A man anmani jiang a ti; “Ka pa ning achamtak a chong ri na pha a siak ha itik mo ini rang hi nang nin nan jet rang nimak.

1 THESSALONIKA 5:2

Nang nin a thianga nan jet jui. Puma ko a ruk ning janna rukchian na a hong anga a hong rang ke.

2 PITAR 3:10

Pathian nikhuo hi ko aruk anga jet lui thailuija a hong ani, hava nikhuo han vanram hi rasa suak na ta amang rang ke, vanram pumpui hi mei ning a kang rang ke hale ramuol la a om phur rakip hi om a mang ke ani.

MANJETNA 16:15

“Ngairu kei hi a ruk anga ka hong rang ke! puon le diar a kan ninga a om ama ha ravansat ha ani, ama ha mitam madonna, puon buija lon noning.”

MANJETNA 3:3

Nang jiang ka na manjet ngaiha ngaidon khir taro, imo na jet ha juiro, na siatna ha mak nang na thui mak aninko kein a ruk anga ka hong rang ke, ka hong rang a pha nang in jet noni che.