MATHIU 19:27 - Rabu Athar New Testament (BSI)

²⁷ Hava han Pitar in ama jiang a hong shanga a ti, “Enro kein in i rakip kan mak verra na nuk kannajui; hiva jarra kein in imo kan nei rang.”

MATHIU 19:27 ပူးပေါင်းရင်းမြစ်များ

MATHIU 19:26

Tak-ha Jisun anmani jiang a hong en na a ti, “Hivahi mi jiang ko nitormak; tak-ha Pathian jiang ko i rakip anitor.”

MATHIU 19:28

Han Jisun anmani jiang a ti, “A thianga kein nang ni jiang kati; Mi Pasalnai in ama mahok na ongna han a ong pha, hava mirual sung han; kei anajui nang ni om reng ong na somleinia nan ong rang ke, hale Israel jat somleini jiang chongtan nati.”

MATHIU 9:9

Hava suale Jisun hava mun tenna a che pha, Mathiu anti pasal khat khasana pek na mun na alui ong a mu a; a man ama jiang a ti, “Kei na juiro,” hale a man a thuia ama a nuk alui jui.

MARK 10:28

Han Pitar in a hong ti, “keinin i rakip kanhongmak na nuk ka na hong jui ke,” a ti.

MARK 2:14

Hale ama achesuo pha Alphaios a nai Levi khasana chomna inna a ong a mu a, ama jiang, “Najuiro.” Ati a hale a man a thuia a nuk a jui jui.

LUK NING A JIAK CHONGSAT 14:33

Hiva jarra nang ni karra hin nom nan tak chunga a om rakip masua luia a hong ama han kei kanuk najuitor noni u.

LUK NING A JIAK CHONGSAT 15:29

Han a man apajiang han a sang, ‘Enro, kum sot kei ning nang ha ka na ngaidon, kei ning ka sap ngai le man huina ranga nang in weikhat jak om nala pek mache.

LUK NING A JIAK CHONGSAT 18:28

Han Pitar in a ti, ‘Enro kein in i rakip kan mak a nanuk kannajui ani’.

LUK NING A JIAK CHONGSAT 5:11

Han anmani rokuang ngaiha tangtiang ansiak an phur rakip an mak a Puma nuk an lui jui.

1 KORINTH 1:29

Tu khat ning om Pathian madonna man kan lian ma rase.

1 KORINTH 4:7

Tu ning mo nang ni ha nan kan khel anti? Nang ni jiang a om rakip ha pumman ana pek mo nimak? Ijarra mo Pathian kutchoi ha nan mu bak hin a mu lui anga nan om?

PHILIPI 3:8

Adik tak a! Kein ka puma Jisu Khrista ka jet ha khel la chung chuan na asat ke tia ka nei phur rakip ha nem nabui ani jui; ka binga mi dik ka ni, tiko dan chong pek nuk juia ni luia Khrista jiang takngai na ki nei jarra Pathian tenna mi ha ka ni Khrista hi kei ranga a nem na a lian tak ha ani jui.