MATHIU 15:31 - Rabu Athar New Testament (BSI)

³¹ Chongsuakluingai chong an ri jui, a kut kiak ngain an dam a ke kiak ngain an lon jui, hale a mitdelngain an mu jui, hiva mitamngain an mu han an lui ngakchianna, hale Israel Pathian ha an lui manpak jui.

MATHIU 15:31 ပူးပေါင်းရင်းမြစ်များ

MATHIU 15:30

Hava suale mitamin ama jiang an honga, anmani le kan ruaia ke kiak, mitdel, chongsuaklui, kut kiak, hale a dang a tam tak Jisu ke kung a an hong choi, hale a man anmani ha a man dam jui.

MATHIU 18:8

“Hale na kut animakle na ke ning, kutsui kesui na ana man nei inko; tanro hale nang jiang tenna peiro, ajarko kut le ke kipdirra athitibui mei khurra an na deng juan rang nek inko, ke bui, animakle kut buia ring na mun na lut ha ning nang ranga a khel la asat ani.

MATHIU 21:14

Hava suale mitdel le kekiakngain, biakinn sunga ama jiang an lui hong; hale a man anmani ha alui mandam.

MATHIU 8:10

Jisun hivahi a jet a a ngak banna a nukjuingai jiang a hong ti; “Kein a thianga nang ni jiang kati, kein hiva mi ang hin takngai a nei mi Israel sunga la mu making.”

MATHIU 9:32

Anmanin an che lai, enru, seitan in a choi a chongsuaklui pasal khat ama jiang an lui hong tuang.

MATHIU 9:33

Hale seitan ha a notchei pha han, a chongsuaklui ha a hong suak jui; han mitam an ngak chian na “Israel sunga hiva anghi la mu chil masing,” an hong ti.

MATHIU 9:8

Hava hanna mitamin an mu pha, an ngak ban, hale miring jiang hi ang rarak a pek; Pathian ha an manpak jui.

MARK 2:12

Hale ama a thuia, a rak tak ajalna pherha alui a mitam mai kunga alui che jui; hava anmanin an renga an ngak pet Pathian an manpak, “keinin hiva anghi la mu chil maksing anti!”

MARK 7:37

Hale anmanin a tam tak an lui ngak a, “Puma ning chuan rakip a na tho pe jui, kuarsep ngain an jet, an khat om chong ri thei luingai jiang chong amanrithei,” anti.

MARK 9:43

Hale na kut an khat in siatna a na man tho a chang in ko, tanro; na kut anni a om ma a thi chilui mei khura nalutrang nek kut an khat jak le kum sot ring na nalutrang lam hi nang ranga asat det.

LUK NING A JIAK CHONGSAT 14:13

Tak-ha nang in mi navai bunek na kui karra asualngai, a ke kiakngai, a mitdel ngaiha kuiro.

LUK NING A JIAK CHONGSAT 14:21

Han suakpa han a hong kanlea rengpa jiang manjet karra, rengpan a ranga a suakpa jiang a ti, Khodung laia chenlang, a mitdel, a riang aroi, akekiak, apongaiha hong tuangru.

LUK NING A JIAK CHONGSAT 18:43

A ma ning hava laitak han a var a mujui, hale Jisu nuk a juia Pathian ha alui manpak. Hava han a luiche mitamngain an mu karra Pathian an manpak jui.

LUK NING A JIAK CHONGSAT 7:16

Han mitamngain achit anluichitjui, hale Pathian an manpak a anti; “Pathian chong ri a lian tak Pathian ning kankaara a hong tir jui.” Hale Pathian in ama mingai jiang a mit en a lut jui.

JOHON 9:24

Veini chang na han, mitdelpa ankuia an hong ti, Pathian mai kung a chongsam na nei inlang adik karirangke tiro; nang anamandam miha siatneike tihi keinin kan jet.