MATHIU 14:14 - Rabu Athar New Testament (BSI)

¹⁴ Hale Jisun a hong suak pha han, mitam ha a mu a; a man anmani ha lungsiat a mu jui, hale anmani ha alui mandamjui.

MATHIU 14:14 ပူးပေါင်းရင်းမြစ်များ

MATHIU 14:15

Nitak a hong nipha, a thiamruoingain ama jiang an honga anti; hivahi ramtong na ke, hale a pha hi om a hong buijui; mitamngai hi man che taro, han anmanin khuo khuo chesen nang, an chak an nek rang hong kan tok rase u.

MATHIU 4:23

Hava suale Jisun Galili ram pumpuia a chea, Sainagok sunga rengram chongsat ruia alui man chu, hale nat rakip le ritong rakip mingai ha alui mandamjui.

MATHIU 9:36

Tak-ha Jisun mitamngai ha a mu pha, anmani ha lungsiat a mu jui, ajarko, anmani ha a rungrang bui; an kansenkhui, belramngai anga an lui ni.

MARK 6:34

A man rokuang tenna a suak pha, mipui ngaiha a mu a, a lungsiat jui ajarko aselrangbui belram anga a mu a a man chu.

MARK 9:22

Phat a tam tak thavang satlui ning meisunga le tui sunga alui man lut jui. Nang in na tor inko lungsiat, tak na san pero alui ti,” a ti.

LUK NING A JIAK CHONGSAT 19:41

Jisu ning Jerusalem khopui hi a hong nai a mu karra, a chap chunga a ti,

LUK NING A JIAK CHONGSAT 7:13

Jisu ning a mu karra lungsiat a mu jui, han Jisun meithainu jiang a ti, “Chapmaro.”

HEBRU 2:17

Hiva tina ko mingai siatna ha ngaidam na rang, Pathian mai kung a sepa a tho thiampu chung nung manrit na a sip takngai a om tak a chang thei na rang, a lam rakip a sap a jar ngai a man alui chang jui.

HEBRU 4:15

Kan thiampulian han keini kan ma sial na ha a jet mak nimak, keini anga a lam rakip mathemna a kan tong pui ani Tak-ha a man siatna ite khat nei mak; Siatna a nei chillui thiampulian ha kein in kan nei ani.

HEBRU 5:2

Thiampu a tak tak om ama sial na atam jarra a jet mak ngaile ama sial ngai jiang a nun chan man hui torna a nei.