29 Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti.
A man arilai pha han, enru acheklok sumphai ning anmani ha a khu de jui, jet lui thai lui a sum phai chung han rasa an khat in a hong ti, “Hivahi ka lungsiat tak ka pasalnai ke ani, kein amna chunga ka lungdo a tung, ama chong ri ha ngairu!”
Kein nang ni jiang kinabe chong rakipngai ha jui na rang nang nin anmani ha man churu; hale enru a pha rakip hale ramuol a torna khan na kein nang ni ka na ompui chak.” Amen.
Hingahin a suak chuan ngaiha en ranga mitam an lui hong Jisu jiang an hong karra Seitanning alui man vetpa puan si diar kei asatak akai a Jisu jiang a huia alui om ha an mu karra a tam an chitjui.
Pathian ning Israelngai karra nang ni ranga kei ang chat Pathian tashanthei ankhat kimansuak rang ke, Israel naingai jiang i lui tipa hiva Mousi hike ani.
Hingahin Jatdangai ngai karra ka om le Jatdangai ngai anga ka om, anmani manjot na ranga. Kein Pathian dan ha ka jui lui ko chang mak. Kei a thianga Khrista che na dan ka jui ani.
Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.
Keinin a man kan lian na a om, pathian ning a jot lui chuan tho rakip ha kan manmang hale chingna theina rakip ham kan churra Khrista chong kan man jui ani.