MARK 4:39 - Rabu Athar New Testament (BSI)

³⁹ Jisu a thuia, rothi phaivuo rang ha akhap, “Ahip jinna omro” a ti pe, hale tui a kan nok ha, “Chip tia omro,” alui ti. Hale phaivuo rang ha a bang jui adairipjui.

MARK 4:39 ပူးပေါင်းရင်းမြစ်များ

MATHIU 8:26

Tak-ha a man anmani jiang a ti, “Ijarra mo nan chit, o takngai torlui ngai,” han a man a thuia phaivuo le tuipuilian ha akhapjui, hale a dai riai jui,

MARK 4:38

Tak-ha Jisu ko rokuang mor ha a lu akhamma ajalla alui om; thiamruoingain ankei thuija ama jiang, “Oja, keini thirang kan ni jui nasanno nichemo anti.”

MARK 9:25

Jisu ning mipuingai han an hong kan chun ha a mu pha han, thavang satluijiang han chong a pek-a, “Chong ajekthei mak le kuorsep thavang satlui nang kein chong ka na pek ani, naipangpa an phut han hong suak taro, hale ama jiang nang lutret lai maro,” tia alui ti.

LUK NING A JIAK CHONGSAT 4:35

Han Jisu ning ama ha akhap a a ti, “Omchianro,” han bhut ning mipaha anamlonna, i te khat man pong lui a a mak jui.

LUK NING A JIAK CHONGSAT 4:39

Jisu ning anatnu jamunna a chea damtaro a ti pe, han anatnuha aluidamjui. Hale khangthui a thuia Jisu ha alui manpak jui.

LUK NING A JIAK CHONGSAT 8:24

Han thiamruoi khat ning a chea Jisu ha a kei thuia, “Puma, Puma, keini hi thirang kan ni jui;” han Jisun a thuia ruale phaivou ha aluikhapjui, han anmani a hip a dai tak a an om jui.