MARK 13:11 - Rabu Athar New Testament (BSI)

¹¹ Anmanin nang ni annachura nan chongtan rang an na peklut pha, imo kanrirang tia a masat tak nan ning man dong maru; a phat a hong tung han nang ni nanrirang chong ha Thavang Thiang in irirang ani.

MARK 13:11 ပူးပေါင်းရင်းမြစ်များ

MATHIU 10:17

Tak-ha mingai karra kan ning thei ru, ajarko anmanin ulianrupngai jiang na pe nanti, hale Sainagok sunga nang ni ha esella nave nanti.

MARK 13:12

Mi ning a u a nai a peklut rang, hale a pan a nai a peklut rang, hale an naingain an pa an nu an kan enda puia anla that rang ke;

MARK 13:9

“Nang ni nantak nanthei jak kan ning theiru; ajarko anmanin ulianrupngai jiang napeklut rang anni, hale Sainagokhin naverang anni, kei jarra nang ni ramvaihomngai le rengngai mai kung a shakhi ngirang nan ni.

LUK NING A JIAK CHONGSAT 21:12

Hiva rakip a suak suale nang ni ha na chur nanta na manpong nanti. Anmanin nangni ha inn thiang tenna pong na mun ren inna an na thunrang ani, kei karuai ngai nangni hi rengai madonna an na latuang rang ke.

JOHON 3:27

Johon nin a sang, “Chungvanna an phut Pathian in ihongpek ni lui a mi ha ning i om tho tor noning.”

TIRLON 2:4

Han Thavang Thiang ning anmani ha a ship, Thavang ning imanrijot nuk juia anmanin chongdang ri an hong phutjui.

TIRLON 3:13

Abraham, Isak, Jakop Pathian kan pa kan pungai Pathian ha ning, asuak Jisu ha mahok na lian tak a pek jui, nang nin ama ha a chong che ngai kut chunga nan pek Pilat ning masua rang ati ha nang nin jot mak che u.

TIRLON 4:31

Anmanin lam na an nei pha an om na mun ha a hong kan nikjui, hale anmani rakip ha a thiang Thavang ning a sip thauna sat Pathian chong an hong ri jui.

TIRLON 6:10

Tak-ha a man chingna thiamna le kan ruaia thavang in aruai jarra a madonna lui ngir tor ma u.

TIRLON 6:15

Han ulianrup a om rakip ning ama jiang an en pha han, ama maisuo ha thaneithiang maisuo ang han an lui mu.

TIRLON 7:55

Tak-ha a mako Thavang Thiang in a sip marra, chungvantiang a enchiak han, Pathian ma hok lian nale Jisu ning Pathian chang tiang han a ngir ha a mua,

1 KORINTH 2:13

Hale keinin miringai chingna han mi manchu masing tak-ha Thavang Thiang a nei mingai chunga Thavang ning chong dik ha a ripe.

EPHESIA 3:5

Hiva Pathian chong ruk hi a chesa phat han tute khat jiang lui ripe mak tak-ha atunko Pathian Thavang Thiang hin tirlonngai le Pathian chong lui ringai jiang a man mu jui.

JEMS 1:5

Tak-ha nan karra tu a chang innom ching na tianga a ban sam a om inko a pek rang Pathian jiang a man lam rase, ajarko Pathian in mirakip manrit tak le lungsiat tak a apek ani.

1 PITAR 1:12

Pathian ning a luiti hiva rakip hi Pathian tashantheingai lian na ranga nimak nang ni ranga ani, anmani ning an lui ri, nang ni ning a tun nan jet ngai hi, vanram tenna Thavang Thiang ngai ning an hong choija hale Pathian tashantheingai ning an na manjet ani.