MARK 12:14 - Rabu Athar New Testament (BSI)

¹⁴ Anmani an honga, “Oja, nang adik mi ke na ni, hale chit jak neimak che, ti kein in kan jet, ajarko tute mai en lui, Pathian lam adik tak ha nang in na man chu ani. Hava jarra Kaisar jiang a khasana pekranghi dan mo ani hale nimak mo?”

MARK 12:14 ပူးပေါင်းရင်းမြစ်များ

MATHIU 22:16

Hale anmanin Herod chong le kan ruaia an suakngai ama jiang an tirra an hong manti, “Oja,” nang ko na dik, “Pathian lam ha adik na man chu, animakle tu khat om chit ma che, ajarko nang ko miring mitmai en ma che tihi kein in kan jet.

MATHIU 22:17

Hiva jarra keini jiang na ri pero, nang in imo na ngaidon, Keisar jiang khasana pek hi dan chong jui lui mo ani?”

MARK 12:13

Puma Jisu chong ri an jet anmanin churna ranga, Pharisi her khat le Herod naingai her khat ama jiang chong dingkel anluitir.

MARK 12:15

Khasana kan pek rang mo, kan pek lui rang mo? Namanjetro, anti. Tak-ha Jisun anmani sat ankanrolha a jet, anmani jiang, “Irangamo nan na en sin peisa an khat hongluiru enrong,” a ti.

MARK 14:45

Judas a hong tung lim le Jisu jiang a chea, “Oja!” a tia abiang a hong tum jui.

LUK NING A JIAK CHONGSAT 20:22

Kaisar jiang keini ning khasana kan pek rang hi dan nuk juijako adik mo adik lui mo?

LUK NING A JIAK CHONGSAT 23:2

Anmanin Jisu ha nontak an pek an luiti, ‘hiva mi ning keini jat rakip hi aniluina lam ma anakaijui, Kaisar jiang pek rang suak ham a na kharra, hale a mahi Khrista reng kani a kan ti’.

JOHON 7:18

A ma a bing a ajek a maha ning a binga lianpui na ranga ahong ani, tak-ha ama ahong tirpu lianpui rang a hong a maha chong ajui. Hale adik lui chuan iom neimak.

ROM MINGAI JIANG PAUL NING A JIAK CHITHI 13:6

Hiva jarra nang nin khasana nan pek ani, anmanin hiva chuan ruia an lung an man lut Pathian chuan tho ha ani.

2 KORINTH 2:17

Keini ko Pathian chongsat lal oul mitamngai anga ni masing, tak-ha Pathian chuan sin na lung lut ama ning a chuan sin ranga ana kui ha kan ni. Keini Khrista jiang kan om ma Pathian madonna kan ri ani.

2 KORINTH 2:2

Ajarko kei nangni pongna ka na pek aninko, kein ka man pong ama ha ni luia tuning mo keihi an na don rang?

2 KORINTH 4:1

Pathian in lungsiat ana mu jarra hiva chuan kan tho hin lung sin na neimarei.

2 KORINTH 5:11

Pathian chithi hi imo ani ti keinin kan jet, hale midangngai ham man chit na ranga kan tho, pathian in anajetpet, hale nan lung sunga keihi om na na jet tia ka ngaidon.

2 KORINTH 5:16

Atun tenna ko mirakip hi miring mit tenna en lai masing phat khat a Khrista hi om kein in miring mit en na kan lui en ha atunko en lai masing.

GALATIA 1:10

Atun keinin mi ring ngai jotna mo ka tho? Animakle Pathian ranga mo ka tho ani? Animakle kein atun ten nom mingai lung khop na mo ka la tho ani? Kein mingai lung khop na rang ka tho aninko Khrista asuak lui chang noning.

GALATIA 2:6

Hale lamkai ka ni tia a omngai le keihi kan kan khel na om mak. Pathian jiang mi chang mi kha om mak. Lamkai ka ni a tingai ning kei jiang ite khat na ripe tor ma u.

1 THESSALONIKA 2:4

Keini hi pumman a chongsat ri ranga ana thang suak jui. Hiva jarra kein in miringngai lung khop na ranga tho masing tak-ha Pathian lung khop na ranga, ama han kan lung ril la kan ngaidon ha a jet.